الكنيسه الرسوليه الارمنيّه (باللغه الارمنيه: Հայաստանեայց Առաքելական Եկեղեցի) (و معروفه ساعات بـ كنيسه الارمن الارتودكس), هيا من الكنايس الارثوذكسيه المشرقيه اللى ما قبلتش مع كنايس شرقيه تانيه سنه 451 مقررات مجمع خلقدونيه و ما بعتتش ممثليها للمجمع نتيجة التمرد و وقوع معركه اواراير, و الكنيسه واحده من اقدم كنايس العالم.
كانت ارمينيا هيا اول بلد فى العالم بتعتبر الديانه المسيحيه هيا الدين الرسمى سنة 301 م قبل منشور الامبراطور قسطنطين, و بتشترك الكنيسه الارمنيه مع الكنيسه القبطيه الارتودكسيه و الكنيسه السريانيه الارتودكسيه و كنيسة التوحيد الارثوذكسيه الاثيوبيه فى العقيده.
راس الكنيسه الرسوليه الارمنيه اسمه كاثوليكوس.
للكنيسه كاثوليكوسيتان:
- واحده فى اتشميادزين (فى مدينه فاجارشاباد, ارمينيا) بيتراسها الايام دى الكاثوليكوس كاريكين التانى
- تانيه اسمها "كاثوليكوسيه بيت كيليكيا الكبير" و مركزها انطلياس, لبنان بيتراسها الكاثوليكوس ارام الاول.
و للكنيسه بطريركيتان:
- واحده فى اسطنبول, يتراسها البطريرك مسروب التانى موتافيان.
- ثانيه فى القدس, بيتراسها البطريرك نورهان مانوجيان.
لينكات برانيه
مصادر
