عمرو نبيل رشاد يوسف (23 ديسمبر1980 -), ممثلمصرى ابتدا حياته فى الاعلانات, و كموديل فى الفيديو كليبات. لغايه ما نور الشريف قدمو للجمهور فى مسلسل الدالى اللى كان محطه انطلاقته الفنيه لعالم النجوميه.
حياته
درس القانون الدولى فى كليه الحقوق, و اخد ليسانس حقوق انجليزى. ابتدا مشواره الفنى سنه 2002 كممثل اعلانات تليفزيونيه. و سنه 2005 انضم الى شاشه قناه روتانا سينما, و اشتغل فيها كمذيع لمده سنتين.
سنه 2007 قدم اول اعماله التمثيليه من خلال الجزء الاول لمسلسل الدالى مع الفنان نور الشريف, و شارك فى الجزء التانى سنه 2008.
كانت سنه 2010 مميزه بالنسبه ليه. شارك فيها فى بطوله مسلسل القطه العميا مع حنان ترك, و شارك كضيف شرف فى مسلسل لحظات حرجه الجزء التانى, و شارك كمان كضيف شرف مع الفنانه هند صبرى فى مسلسل عايزة اتجوز, و قدم تانى تجاربه السينمائيه مع الفنان تامر حسنى و الفنانه منه شلبى فى فيلم نور عينى.
سنه 2011 قدم فيلم واحد صحيح مع هانى سلامه, و فيلم رد فعل مع محمود عبد المغنى, و مسلسل المواطن اكس اللى اعتبره عمرو مرحله مهمه وسبب نقله كبيره فى مشواره الفنى, و اتعرض الجزء التالت و الاخير من مسلسل الدالى فى نفس السنه, وشارك كمان كضيف شرف فى مسلسل نونه المأذونه مع حنان ترك.
سنه 2012 اتعرض له فيلم برتيتا, و شارك فى بطوله مسلسل طرف تالت, و اللى اعتبره الجمهور و النقاد من اهم الاعمال الدراميه اللى اتقدمت فى 2012, و مسلسل المنتقم.
عمرو يوسف ارتبط ببنت الفنان نور الشريف الممثله مى نور الشريف, و بعد فتره من الخطوبه اعلنو سنه 2011 فسخ الخطوبه بكل هدوء ووديه. و سنه 2017 اتجوز من الفنانه السوريه كندة علوش.[1]
