السيد عمر بن مختار بن عمر المنفى الهلالى (20 اغسطس 1858 -الموافق 10 محرم 1275هـ - 16 سبتمبر 1931- الموافق 3 جمادى الاولى 1350هـ), الشهير بعمر المختار, الملقب بشيخ الشهداء, وشيخ المجاهدين, واسد الصحراء, هوا قائد ادوار السنوسيه فى ليبيا, و واحد من اشهر المقاومين العرب و المسلمين. بينتمى لبيت فرحات من قبيله منفه الهلاليه اللى بتنتقل فى باديه برقه.
اتجسد فى فيلم امريكانى من اخراج مصطفى العقاد فى سنة 1981 بعنوان "اسد الصحراء" و لعب دوره الممثل انتونى كوين.
الحرب مع ايطاليا
ليبيا فى الوقت داه كانت جزء من الدوله العثمانيه , و فى اكتوبر 1911 كانت فيها حرب بين الدوله العثمانيه و ايطاليا , الاسطول الايطالى نزل فى ليبيا و طلب استسلام مدينه بنى غازى و طرابلس و بعد مواجهات اضطر القوات العثمانيه و المقاتلين الليبيين اللى معاهم انهم ينسحبوا و فى 1912 اعلنت ايطاليا مستعمره ليبيا الايطاليه و دا بدا سلسله معارك و حرب عصابات بقياده عمر المختار فى شرق ليبيا لمده عشرين سنه.
حارب عمر المختار الطليان "الايطاليين" من لما كان عمره 53 سنه لاكتر من عشرين سنه فى عدد كبير من المعارك,حتى اتقبض عليه من الجنود الطليان, و اتعنل ليه محاكمه صوريه انتهت باصدار حكم باعدامه شنقا, اتنفذت فيه العقوبه رغم انه كان كبير السن و مريض و كان وقتها عنده 73 سنه و عانى من الحمى. كان الهدف من اعدام عمر المختار اضعاف الروح المعنويه للمقاومين الليبيين و القضاء على الحركات المناهضه للحكم الايطالى, لكن النتيجه جات عكسيه, فارتفعت حده الثورات, و انتهى الامر بطرد القوات الايطاليه من البلاد.
لينكات برانيه
مصادر
لم يتم العثور على روابط لمواقع التواصل الاجتماعي.
