شعراوى جمعه (1920 - 28 نوفمبر 1988) عسكرى و سياسى مصرى ، اتولى منصب وزير داخلية مصر فى الفترة من سنة 1966 لغاية سنة 1971 .
اتولد شعراوى جمعه سنة 1920 ، وفى سنة 1940 اتخرج من الكلية الحربية لكنه ماانضمش لتنظيم الظباط الاحرار . شغل منصب نائب رئيس الوزراء ووزير الداخلية و مقرر اللجنة التنفيذية العليا . كان المسئول عن التنظيم الطليعى اللى كان بيضم نخبة من القيادات السياسية اللى اتولت القيادة وضمان استمرار النهج السياسى لثورة 23 يوليه وتطويره . و كان من المتفوقين فى دراسته الثانوية والعسكرية ، كمان اشتغل فى الخمسينات مع عبد المحسن فائق فى جهاز المخابرات المصرى و كان زميل له و كان بيشتغل رئيس لفرع الخدمة السرية فى المخابرات العامه المصريه .
أخد ماجستير العلوم العسكرية 1951، اشتغل مدرس بالكلية الحربية وبعدها برئاسة الأركان 1957، عمل نائب مدير المخابرات العامه 1957 - 1961، محافظ السويس 1961 - 1964، امين عام الاتحاد الاشتراكى سنة 1969، والتنظيم الطليعي، انشأ مدرسة أمناء البوليس سنة 1967 .
فى سنة 1971 اتحاكم شعراوى جمعه فى قضية مراكز القوى
وفاته
فى يوم 28 نوفمبر 1988 توفى شعراوى جمعه .
