سيمون سيلفا (Simone Silva) (15 اغسطس 1928 - 30 نوفمبر 1957) ممثلة فرنسية من اصل ايطالى ، اسمها الحقيقى مارتا سيمون دى بولار (Martha Simone de Bouillard)
نشأتها
اتولدت سيمون سيلفا يوم 15 اغسطس 1928 فى القاهره عاصمة مصر من أب فرنساوى و أم إيطالية كانو عايشين فى مصر فى الوقت ده . وفى سنة 1946 اتجوزت مواطن بريطانى كان عايش فى مصر وسافرت معاه للملكه المتحده وهناك خدت الجنسية البريطانية
سيمون سيلفا كانت دايما بتقول انها مستعدة تعمل أى حاجة علشان صورها تتنشر فى الجرايد ، وهى كانت جريئة جدا ومابتتكسفش من اى حد وماكانش بيهمها اى رد فعل نتيجة اى تصرف كانت ممكن تعمله
فى سنة 1950 سافرت سيمون سيلفا لامريكا واشتغلت هناك موديل لأغلفة مجلات الموضة ، وفى سنة 1951 ابتدت مشوارها فى عالم السينيما بدور صامت فى فيلم Lady Godiva Rides Again ، و بعد كده مثلت أدوار اكبر فى أفلام South of Algiers و Escape by Night و The Weak and the Wicked
فضيحة سيمون سيلفا فى مهرجان كان سنة 1954
اتسببت سيمون سيلفا فى ازمة كبيرة لما شاركت فى مهرجان كان السينمائى الدولى سنة 1954 وظهرت قدام عدسات المصورين وهى بتتمشى على شاطئ الريفييرا الفرنسيه مع الممثل الامريكى الراحل روبرت ميتشوم (Robert Mitchum) وهى عريانة من فوق وماكانتش لابسة سوتيان و كانت مغطية بزازها بإيديها بس . ولما اتنشرت الصور دى فى جرايد ومجلات كتيرة على مستوى العالم ، اضطرت إدارة مهرجان كان وقتها انها تعلن عدم معرفتها بالصور دى و أنها مجرد دعاية مبتذلة ورخيصة هدفها التغطية على الاخبار الفنية الجادة للمهرجان ، وقررت طرد سيمون سيلفا من المهرجان
وفاتها
فى يوم 30 نوفمبر 1957 ماتت سيمون سيلفا فى شقتها فى لندن عاصمة المملكه المتحده بعد اصابتها بنزيف فى المخ
[1]
مصادر
لينكات برانيه
لم يتم العثور على روابط لمواقع التواصل الاجتماعي.
.svg)
.svg)
