كلمات
زى الهوا يا حبيبى زى الهوا
واه من الهوا يا حبيبى اه من الهوا
و خدتنى من ايدى .. يا حبيبى و مشينا
تحت القمر غنينا .. و سهرنا و حكينا
و ف عز الكلام .. سكت الكلام .. واتارينى
ماسك الهوا بايدى ماسك الهوا
و اه من الهوا يا حبيبى اه من الهوا
و خدتنى و مشينا و الفرح يضمنا
ونسينا يا حبيبى مين انتا و مين انا
حسيت ان هوانا هيعيش مليون سنه
و بئيت و انت معايا الدنيا ملك ايديا
اأمر علا هوايا تقول امرك يا عنيا
و ف عز الكلام .. سكت الكلام .. و اتارينى
ماسك الهوا بايديا ماسك الهوا
و اه من الهوا يا حبيبى اه من الهوا
خايف .. و مشيت و انا خايف
ايدى ف ايدك و انا خايف
خايف علا فرحة قلبى..خايف علا شوقى و حبى
و ياما قلت لك انا
و احنا فى عز الهنا
قلت لك يا حبيبى
لانا اد الفرحه ديا .. و حلاوة الفرحه ديا
خايف ل ف يوم و ليله .. مالائكش بين ايديا
تروح و تغيب .. تغيب عليا يا حبيبى .. يا حبيبى
و قولت لى يا حبيبى ساعتها .. دى دنيتى انت اللى مليتها
وف عز الكلام .. سكت الكلام .. و اتارينى
ماسك الهوا بايدييا ماسك الهوا
و اه من الهوا يا حبيبى اه من الهوا
و خدتنى يا حبيبى .. و رحت طاير طاير
و فتنى يا حبيبى .. و قلبى حاير حاير
وقلت لى راجع .. بكره انا راجع
و فضلت مستنى بأمالى .. و مالى البيت بالورد
بالشوق .. بالحب .. بالاغانى يا حبيبى .. يا حبيبى .. بالاغانى
بشمع آيد .. بأحلا كلمه فوق لسانى
كان دا حالى ياحبيبى يا حبيبى .. لما جيت
رددنا الغنوه الحلوه .. الحلوه سوا
و دبنا مع نور الشمع .. دبنا سوا
و دئنا حلاوة الحب .. دئناها سوا
و ف لحظه لقيتك يا حبيبى
زى دوامة هوا
رميت الورد .. طفيت الشمع .. يا حبيبى
والغنوه الحلوه .. ملاها الدمع .. يا حبيبى
و ف عز الامان .. ضاع منى الامان .. و اتارينى
ماسك الهوا بايديا ماسك الهوا
و اه من الهوا يا حبيبى اه من الهوا
زى الهوا يا حبيبى زى الهوا
و اه من الهوا يا حبيبى اه من الهوا
