محاكمة واحد ضرب حماره سنة 1822 بعد صدور قانون مارتين.
جمعية الرفق بالحيوان ، جمعيه اتأسست سن 1824 فى انجلترا باسم الجمعيه الملكيه للرفق بالحيوان بفضل جهود ريتشار مارتين ( 1754 - 1834 ) ، و كان عضو ايرلاندى فى البرلمان الانجليزى ، و اتعمل قانون فى انجلترا يجرم الاعتداء ع الماشيه اتعرف باسم قانون مارتين ، و فى سنة 1849 صدر قانون تانى شمل كل الحيوانات. فى سنة 1866 اسس " هنرى برج " جمعيه زيها فى امريكا لرعاية الحيوانات الضاله و مساعدة المزارعين فى رعاية المواشى بتوعهم صحياً. اتنشأت جمعية الرفق بالحيوان فى مصر سنة 1894. فى كل بلاد العالم المتحضره فيه جمعيه مشابهه. فى المجتمعات المتخلفه بتعانى الحيوانات من التعسف و قلة الاحترام ، لان المجتمعات دى فى العاده مجتمعات ليها ثقافه ديكتاتوريه قايمه على قهر الانسان و الحيوان ع السواء ، و بطبيعة الحال بينتشر فيها الجهل ، فالجاهل ما بيبقاش مدرك ان الحيوان و لو ما بيقدرش يشتكى بالكلام فبيعانى الآلم الجسمى و النفسى زى الانسان ، و ساعات الفرد المتخلف ، اللى عايش فى مجتمع قهرى بيعانى من الانحطاط الثقافى ، بيندهش ان فيه مجتمعات بتهتم برعاية الحيوانات و الرفق بيها. فى المجتمعات المتحضره اللى بتعطف ع الحيوانات بيتعلم الفرد و هو لسه طفل صغير احترام الحيوانات و عدم اذيتها بالتوجيه المباشر و من ملاحظة السلوك الثقافى اللى حواليه.
.svg)
