توت عنخ امون'(مصرى قديم: twt-ˁnḫ-ı͗mn; تقريب النطق: /təwaːt ʕaːnəx ʔaˈmaːn/) (1361 - 1352 ق.م)، ملك مصر، من العيله الثامنة عشرة. أظهرت الدراسات المعملية اللى تمت على الحمض النووى DNA لاكتر من مومياء أنه على الأرجح ابن اخناتون و أمه بنت الملك امنحتب التالت و الملكة تى لكن يظل اسمها مش معروف بالظبط ، و كده تى كانت جدته مش أمه زى ما كان البعض يعتقد، و لا الملكة نفرتيتى
توج توت عنخ آمون و هو فى بداية المطلع التانى من عمره و توفى و هو لم يكمل التاسعة عشرة من عمره. اتنصل من دين أبوه إخناتون و رجع من أخت اتون (تل العمارنه دلوقتى ) على طيبة و عبادة الإله آمون. رغم أنه لم يقم بأعمال كبيرة، لكنه يعتبر من أشهر ملوك مصر فى العالم علشان تحفه و كنوزه اللى تضم قناعه البديع عثر عليها المصرولوجىهوارد كارتر سليمة فى مقبرته فى وادى الملوك سنة 1922. دى الكنوز معروضة حالى فى المتحف المصرى فى القاهرة.
بينت دراسات اتعملت على حمضه النووى اللى أعلنت نتائجها فى فبراير 2010 أن توت عنخ آمون توفى سنة 1324 قبل الميلاد ولم يكمل التاسعة عشرة من عمره و أنه على الأرجح توفى بسبب ملاريا حادة و أنه كان يعانى من قصور فى الدورة الدموية فى أنسجة العظم، وبكده انتهت أسطورة مقتله.
توت عنخ آمون كان فرعون مصر من سنة 1334 ولغاية سنة 1325 قبل الميلاد. وفى زمن الدولة الجديدة. كان توت عنخ آمون من أشهر الفراعنة لأسباب مش ليها علاقة بإنجازاته أو بالحروب اللى انتصرت فيها مصر بحكمة زى فراعنة تانيين؛ لكن فى الحقيقة كانت لأسباب تانيه تعتبر مهمة بالنسبة للتاريخ والمؤرخين ومن أهمها اكتشاف مقبرته وكل كنوزه سليمة لا شيء منها مخرب أو مسروق . وذلك و موته فى سن صغير خصوصاً أنهم لقو كسور فى العظم و الفخد و الرأس، و أسباب تانيه بعد موته زادت غموض حكاية وفاته فى سن صغير زى جواز مراته بوزير من وزرائه اللى أعلن نفسه فرعون من بعده.
