الامبراطورية الفرنكية الكارولينجيه فى ذروتها ، بأقسامها التلاته الرئيسيه سنة 843
الامبراطوريه الكارولينجيه هو اسم بيستخدم ساعات للتعبير عن امبراطورية الفرنكيين تحت حكم سلالة الكارولينجيين على اسم كارل مارتل. ف بدايتها كانت بتحكم اماكن عايش فيها بين عشره و عشرين مليون انسان [1]
الاسم
رغم ان عبارة الامبراطوريه الكارولينجيه بتستخدم على الفتره بعد تتويج البابا ليو التالتشارلمان بوصفه امبراطور الامبراطوريه الرومانيه المقدسه سنة 800, لكن ده مش صحيح , علشان تتويج شارلمان مابتدش امبراطوريه جديده علشان شارلمان و حكام فرنكيا اللى قبله و حكام فرنكيا اللى بعده كانو من الفرانكيين. و جده كارل مارتل كان الحاكم المطلق لامبراطورية الفرنكيين و كل اوروبا الغربية .معظم المؤرخين بيفضلو استخدام مصطلح " المملكه الفرانكيه" او "عالم الفرانك " للاشارة للمنطقة اللى تشمل اجزاء من المانيا و فرنسا بين القرن الخامس و القرن التاسع.
فى السنين الاخرانيه من حكم الميروڤينجيين ، بقت سلالة الميروفنجيين مجرد حكام صوريين ,كارل مارتل اختار انه مياخدش لقب ملك ,لكن دور الميروڤينجيين انتهى فى انقلاب القصر سنة 751 لما بيبين القصير ابن كارل مارتل شال شيلدريك التالت من الحكم. بيبين القصير اختار انه مياخدش لقب امبراطور, حكم شارلمان ابتدا سنة 768 بعد موت ابوه بيبين القصير. شارلمان اختار انه ياخد لقب امبراطور ,لكن كل واحد منهم كان الحاكم المطلق لكل اوروبا الغربية
الامبراطوريه فى عهد شارلمان (800-814)
شارلمان وزع حكم امبراطوريته الواسعة سنة 806 بين أولاده بيبين، ولويس، وشارل.
بعد شارلمان
بعد موت شارلمان سنة 814 ورثته ما حافظوش على وحدة الامبراطوريه و ابتدت ف الانهيار. معاهدة فيردان سنة 843 قست الامبراطورية الكارولنجية لتلات أجزاء ، تشارل الاصلع حكم غرب فرانكيا اللى اتطورت لمملكة فرنسا.[2]
