الامبراطوريه البيزنطيه او بيزنطه او الامبراطوريه الرومانيه الشرقيه. امبراطور بيزنطه كان رئيس الكنيسه البيزنطيه (اليونانيه) اللى كانت فى خلافات مع الكنيسه الكاتوليكيه فى روما.
عاصمتها كانت قسطنطينيه (كونستانتينوپوليس Κωνσταντινούπολις ) اللى فضلت لوقت طويل اكبر مدينه فى عدد السكان فى اوروبا و كانت مدينه مهمه جدا من النواحى التجاريه والثقافيه.
فى النص التانى من القرن الحداشر استولى النورمانديين على أراضيها فى جنوب ايطاليا ، و استولى السلاجقه على أراضيها فى اسيا الصغرى ( 1071 ) و اسسو سلطنة الروم فطلب الامبراطور أليكسيوس الاول مساعدة المسيحيين اللاتين الكاتوليك فانتهز البابا اوربان التانى الفرصه و دشن حرب دينيه مقدسه ضد المسلمين والعلمانيين اتعرفت باسم الحروب الصليبيه ، و دخلت جيوش المسيحيين الكاتوليك الاراضى البيزنطيه سنة 1096 وعملوا اعمال نهب و تخريب لحد فى الكنايس وهما فى طريقهم للأراضى المقدسه و بعدين استولوا على القسطنطينيه.
فضلت الدوله البيزنطيه موجوده لحد لما هاجمها الترك العثمانيين فى القرن الخمستاشر و استولوا على القسطنطينيه.
