الكتلة المصرية هى مجموعة تحالف سياسى اتكونت فى 15 اغسطس 2011 .الهدف من التكتل دا التنسيق السياسى والانتخابى بين القوى المدنية و عشان يدخلوا انتخابات مجلس الشعب 2011 بقوايم مشتركه و دعم المرشحين و حيدخلوا الانتخابات بشعار و رمز موحد و اقامة دولة حديثة فيها الكل متساوى و منغير ما يستبعدوا اى تيار و عشان يحققوا العداله الاجتماعيه بين المصريين.التحالف دا بيضم ايدولوجيات مختلفه , بس اجمعوا على الاهداف دى. التحالف حصل بعد ما حزب الوفد و حزب الحرية و العدالة (الاخوان المسلميين) و مجموعة احزاب تانيه اتحالفوا مع بعض و كونوا التحالف الديموقراطى, بعد تكوين التحالف فيه احزاب كان فى التحالف الديموقراطى انسحبت و انضمت بعد كده للكتلة المصرية زى حزب التجمع. اتقفال فى بيان تكوين ان اللى التكتل دا مش موجه ضد اى تحالف او تيار تانى و بنرحب بكل التيارات الوسطيه اللى عايزه تنضم للتكتل. قال الدكتور عمرو حمزاوى ، مؤسس حزب مصر الحرية ، إن الكتلة المصرية متكونتش بسبب الخوف من هيمنة تيار واحد على الساحة السياسية و قال ان فيه اسباب رئيسيه فى تكوين التحالف منها تقارب البرامج الحزبية و ضيق الوقت قبل انخابات مجلس الشعب.الكتلة المصرية بتتكون من 15 حزب و فصيل سياسى. خرجت مجموعة من الاحزاب , اغلبها احزاب اشتراكيه من التكتل و كونوا تحالف الثوره مستمره.
الاحزاب
دى ليسته اعضاء التحالف اللى دخلوا انتخابات مجلس الشعب 2011 تحت اسم تحالف الكتلة المصرية
- حزب المصريين الأحرار
- حزب التجمع الوطنى التقدمى الوحدوى
- الحزب المصرى الديمقراطى الاجتماعى
لينكات برانيه
http://www.facebook.com/groups/elkotlaelmasreya/
http://www.facebook.com/ElKotla.ElMasreya
