يحى بن زكرياYaħyā ibn Zakarīyā معروف فى المسيحيه (يوحنا المعمدان), بالانجليزى: John the Baptist). اترجم الاسم من اللغه العبريه, المسلمين بيأمنو انه نبى من الانبياء اللى بعتهم ربنا و انه كان مبعوت عشان يهدى الناس و يمهد السكه للمسيح و يبشر بقدومه, و انه عمد المسيح عيسى (يسوع فى المسيحية). النبى يحيى هوا ابن النبى زكريا و اليصابات, بنت عم مريم بنت عمران (العدرا مريم), قصة ولادته مذكوره فى القران فى سورة مريم و ان ولادته جت بعد رجوع ابوه زكريا لربنا يرزقه ولد مع انه كبر فى السن و مراته ما بتخلفش, و ان ربنا استجاب لدعوته و بشرته الملائكة بولادته {يَا زَكَرِيَّا إِنَّا نُبَشِّرُكَ بِغُلَامٍ اسْمُهُ يَحْيَى لَمْ نَجْعَل لَّهُ مِن قَبْلُ سَمِيّاً} سورة مريم.
النبى يحيى كان من صغره حكيم و عاقل و بيرشد الناس لدينهم و عاش حياة متقشفه و كلها زهد. دخل فى مشكله كبيره مع الملك هيرودس بسبب جوازه من هيروديا مرات اخةه و دا كان ضد التعاليم الدينيه و طلب الملك من يحيى يعمله عذر لكن يحيى رفض و قال له ان دا ضد التعاليم الدينيه, فإغتاظت منه هيروديا و طلبت من بنتها سالومى انها تطلب راسه على طبق, و فى عيد ميلاد الملك دخلت سالومى ترقص للملك هيرودس و المدعوين فقالها انه مستعد يحقق ليها اى امنيه فطلبت راس يحى على طبق دهب فقتلوه و ادوها راسه على طبق.
