ويكيبيديا:ملحوظيه مواقع ويب

nomargin

الصفحه دى صفحه سياسه رسميه فى ويكيبيديا مصرى.

السياسه بتشرح القواعد و الشروط اللى لازم كل اللى بيضيف أو يعدل فى ويكيبيديا مصرى يتبعها, السياسات بتبقى رسميه بعد نقاش و اتفاق عليها و ممكن تتعدل أو تتلغى بنفس الطريقه. لو عايز تقترح تعديل, لو سمحت اقترحه فى صفحة المناقشه.

شوف كمان:

ملحوظيه ملحوظيه ضعيفه ملحوظيه تلقائيه ملحوظيه الاشخاص ملحوظيه مواقع ويب ملحوظيه شركات و منظمات ملحوظيه كتب

فى ويكيبيديا, الملحوظيه هى اختبار بيستخدمه المحررين عشان يقررو لو كان موضوع معين بيستحق عمل مقالته الخاصه.

مقالات ويكيبيديا مش المفروض تكون دليل انترنت, و فكره ان مقالات ويكيبيديا مش اعلانات هى سياسه رسميه طويله الأمد, و مقاله موقع الويب مش لازم بس تتكلم عن وصف طبيعه او مظهر او الخدمات اللى بيقدمها موقع الويب, و لازم توصف الموقع بطريقه موسوعيه و تقدم تفاصيل عن انجازات موقع الويب او تأثيره او اهميته التاريخيه.

ف تقييم ملحوظيه محتوى الويب لازم نراعى لو كان ليه آثار مهمه او ممكن اثباتها على الثقافه او المجتمع او الترفيه او الاقتصاد او التاريخ او الادب او العلوم او التعليم.

ملحوظيه محتوى الويب ما بتتحققش لمجرد ارتباط شخص بارز او شركه او حدث بيه, و بالمقابل ممكن يكون موقع الويب ملحوظ بس المالكين او المؤلفين مش بيورثو الملحوظيه دى.

المعايير

__DTELLIPSISBUTTON__{"threadItem":{"headingLevel":2,"name":"h-","type":"heading","level":0,"id":"h-\u0627\u0644\u0645\u0639\u0627\u064a\u064a\u0631","replies":[]}}-->

مع الانتباه ان كل المقالات لازم تتوافق مع سياسه التحقق من المصادر الموثوقه و ان المصادر مستقله و مش منشوره ذاتيا فملحوظيه موقع الويب لازم توافق المعايير دى:

معايير الملحوظيه

__DTELLIPSISBUTTON__{"threadItem":{"headingLevel":2,"name":"h-","type":"heading","level":0,"id":"h-\u0645\u0639\u0627\u064a\u064a\u0631_\u0627\u0644\u0645\u0644\u062d\u0648\u0638\u064a\u0647","replies":["h-\u0627\u0644\u0645\u0639\u0627\u064a\u064a\u0631_\u0627\u0644\u0645\u0628\u0627\u0634\u0631\u0647-\u0645\u0639\u0627\u064a\u064a\u0631_\u0627\u0644\u0645\u0644\u062d\u0648\u0638\u064a\u0647","h-\u0645\u0639\u0627\u064a\u064a\u0631_\u062b\u0627\u0646\u0648\u064a\u0647-\u0645\u0639\u0627\u064a\u064a\u0631_\u0627\u0644\u0645\u0644\u062d\u0648\u0638\u064a\u0647","h-\u0645\u0639\u0627\u064a\u064a\u0631_\u0645\u0634_\u0628\u064a\u062a\u0627\u062e\u062f_\u0628\u064a\u0647\u0627-\u0645\u0639\u0627\u064a\u064a\u0631_\u0627\u0644\u0645\u0644\u062d\u0648\u0638\u064a\u0647"]}}-->

المعايير المباشره

بيعتبر اى موقع ويب ملحوظ بشكل مباشر لو وافق واحد من المعايير دى بشرط توفر مصادر:

1. يكون متصنف ضمن اكبر 100 موقع على مستوى العالم فى تصنيف أليكسا.
2. يكون ليه تأثير واضح فى الاحداث الجاريه على المستوى المحلى او العالمى, و بقى حديث الرأى العام و وسائل الإعلام, زى: ويكيليكس.
3. فوز الموقع او أى قسم فيه بجايزه دوليه او محليه معروفه.
4. يكون موقع ليه فكره فريده من نوعها اتكلمت عنها وسائل الإعلام بشكل واسع.
5. موقع مشهور مر على تأسيسه أكتر من 15 سنه و لسا مستمر.

معايير ثانويه

المعايير دى مش اساسيه بس مهمه و كل ما توفر واحد منها كل ما ساهم فى تأكيد الملحوظيه مع ملاحظه ضروره اثباتها بمصادر:

1. وجود مقر دائم للموقع, او يكون تابع لشركه كبيره برأس مال كبير.
2. يكون عدد زوار الموقع كبير, بيتخطى حاجز 100 ألف زائر يوميا.
3. يكون الموقع ضمن أكبر 20 موقع على مستوى اى دوله.
4. يكون الموقع شارك فى فعاليات او حدث او مؤتمر مهم.

معايير مش بيتاخد بيها

المعايير دى ما بتديش لوحدها ملحوظيه للموقع:

1. يكون موقع مخصص لاغراض خيريه او لاغراض تعليميه او موقع دينى او لاى غرض.
2. نوع الموقع سواء كان مش مخصص للربح او لا.
3. عدد المشتركين او عدد المعجبين على الصفحات الاجتماعيه.
4. يكون موقع مخصص لدعم مبادره او مشروع او بيتبع فئه او نشاط مجتمعى مهما كان نوعه.
5. يكون موقع بيتكلم عن شخصيه مشهوره او عن حاجه شهيره.
6. تكون شخصيه شهيره هى اللى عملت الموقع او مشتركه بيه.
7. للموقع اعلانات عن الموقع فى وسائل الاعلام او فى مكان تانى.
8. يكون موقع حاصل على شهاده اعتماد او ترخيص من جهه معروفه.