رسم تخيلى لهارون الرشيد و هو يستقبل وفد شارلمان بريشة يوليوس كوركت 1846.
هارون الرشيد ( حوالى 24 مارس 766 - 14 ابريل 809 )، الخليفه العباسى الخامس ،
النسب
نسبه للعباس بن عبد المطلب عم النبى محمد.
ابوه هوه تالت خُلفاء العباسيين ، مُحمَّد المهدى،
ام جاربه ، اسمها الخيزُران بنت عطاء. اشتراها جدُّ هارُون، أبُو جعفر المنصُور من مكَّة لابه المهدى قائل: قالب:اقتباس مضمن.[1][2] كانت الخيزُران جاريةً طويله جميلة، مُثقَّفة ولها طُموحٍ كبير، و أحبَّها المهدى حُب كبير .[3] ولها الكثير من الرِّوايات والقصص اللى تتكلم عن نُفوذها فى الأحداث اللَّاحقة.[4]
خلافته
اتبابع الخلافه بعد موت اخوه موسى الهادي. و لما استام الرشيد الخلافه كانت الدوله العباسيه ممتده على مساحه واسعه من وسط اسيا فى الشرق للمحيط الاطلسى فى الغرب و بتضم شعوب و اجناس كتيره و كانت متعرضه لثورات و فوضى كتيره.
هارون الرشيد كان بطبعه بيحب العلم و الفن و الادب و و طبعا الستات واتقال ان هنده الف جاريه فى عهده ازدهرت العلوم و الفنون و الاداب و و كان فيه رخاء اقتصادى نتيجه زياده الجزيه المفروضه على الشعوب التانيه . الرشيد اسس مكتبة بيت الحكمه فى بغداد و كان فيه كتب من كل بلد . اتحولت بغداد لمركز ثقافى مهم و جذبت بغداد حكماء الطب و المهندسين و البنايين و أصحاب الحرف من كل مكان .
سمعة هارون الرشيد وصلت لأماكن كثيره فى العالم و بعت الهند و الصين و اوروبا سفرا محملين بالهدايا لكسب ود الخليفة .وكمان كان الخليفة هارون الرشيد قائد عسكرى مميز و كان سياسى و دبلوماسى محنك. فى عهده كان الامبراطور شارلمان بيحكم مناطق كتيره فى اوروبا و عشان يقلل من خطر البيزنطيين على امبراطوريته عمل اتفاقيات مع هارون الرشيد و بعت ليه الهدايا , كان من ضمنها افيال و مفاتيح الاماكن المسيحيه المقدسه فى بيت المقدس.
وصف المؤرخ السيوطى هارون الرشيد بإن بشرته كانت بيضه و كان طويل و وسيم بيحب العلم و العلما و كان بيعمل غزوات كتيره و انه حج 9 مرات و كان لما بيروح يحج كان بياخد معاه الفقها و عيالهم و اعداد كبيره من بلاطه و فى السنين اللى ماحجش فيها كان بيبعت 300 راجل بالنيابه عنه و معاهم كسوة الكعبه ، و عشان كده طلع عليه انه كان بيحج سنه و بيغزو سنه. و كتب الطبرى انه غزا 7 مرات و جهز 20 حمله عسكريه فى البر و البحر الابيض و البحر الاحمر.
فى سنة 808 قاد الرشيد جيش لخراسان لقمع ثورات و انتفاضات قامت ضد الاحتلال العربى لكن لما وصل مدينة طوس عييى و مات سنه 14 ابريل 809 بعد ما حكم اكتر من 23 سنه و بتعتبر فترة حكمه الفتره الدهبيه فى عصر الدوله العباسيه.
اتدفن هارون الرشيد فى منطقه فى بلاد فارس لكن مكان تربته مش معروف لغاية النهارده.
