النمر (نطق: /nemr/ ;انجليزى: tiger; الاسم العلمى: Panthera tigris) حيوان ثديى آكل لحوم ضخم من فصيلة السنوريات و هو اكبر عضو فى عيلة القطط.[15]
النمر حيوان مفترس و هو اكبر قط من الاربع قطط الكبيره (النمر - الاسد- الفهد - التشيتا).
النمر من الممكن ان يوصل طوله الى اربعه امتار (13 قدم) فى الطول الاجمالى، و وزنه من الممكن ان يوصل الى 300 كيلوجرام (660 رطل) . من الامور الاكثر تميزاً للنمور هى الفرو المخطط بخطوط سوداء رأسى مع الالوان الابيض والبرتقالى .
النمور بتعتبر من الحيوانات الاكثر شعبيه فى العالم. و ليها مكانه بارزه فى التراث الشعبى والاساطير القديمه، والادب الحديث.
النمور بتظهر فى الاعلام بشكل دارج وكتعويذة و ايضاً كشعار للفرق الرياضيه وتعتبر النمور الحيوان الوطنى لكثير من البلاد الاسيويه زى الهند .[16] كل انواع النمور اللى على قيد الحياة هيا تحت الحمايه الرسمية للبلاد.
موطن النمر
تاريخيا النمور كانت موجودة فى بلاد ما بين النهرين و القوقاز و فى معظم اجزاء جنوب و شرق اسيا .
موطن النمر شرق اسيا و جنوبها و بتعتبر شبه القاره الهنديه موطن أكتر من 80% من النمور البريه فى العالم.
زمان كانت النمور بتعيش فى حتت كتيره فى اسيا، من القوقاز و بحر قزوين لحد سيبيريا و اندونيسيا. خلال القرن التسعتاشر اختفت النمور تماما من غرب اسيا كلها و بقت بتعيش فى مناطق معزوله. اختفت النمور من جاوه خلال النص التانى من القرن التسعتاشر.
تطور النمر
اقدم بقايا للنمور تم اكتشافها فى الصين و جاوه. الانواع دى كانت عايشه من حوالى 2 مليون سنه فى بداية العصر الجليدى و كانت اصغر من النمور. احافير النمور الحقيقيه تنبع من جاوه من حوالى ما بين 1,6 و 1,8 مليون سنه.
سلالات النمور
نمر بنجالى
فيه تسع سلالات للنمور منها تلاته انقرضت وسلاله واحده متوقع انها تنقرض قريب. سلالات النمور بتتصنف حسب اعدادها.
سلالة النمر السومطرى بتعيش فى جزيرة سومطره وتعتبر سلالة النمر السومطرى اصغر السلالات الحيّه.
النمر السيبيرى
النمر السيبيرى معروف برضه باسم النمر الامورى او نمر شمال الصين او نمر منشوريا وهوا اكبر انواع السنوريات، بيتمركز فى روسياسيبريا. فروه بيخليه يقدر يعيش فى التلج. وتعداد نمور سیبریا دلوقتى وصل ل500 وهیه من الحیوانات المتهددهلكن انقراض.
نمر جنوب الصين
نمر جنوب الصين هو واحد من اكتر عشر انواع حيوانات معرضه للانقراض ف العالم.
التهجين (انجليزى: hybridization) بين القطط الكبيره، بما فيها النمر، حصل اول مره فى القرن التسعتاشر علشان جناين الحيوان تعرضها علشان تحقيق مكاسب ماليه.[17] التهجين لسه بيحصل وخصوصا فى جناين الحيوان فى الصين.
الاسود ممكن تتوالد مع نمور [18] فى أغلب الاحيان نمور من فروع النمر السيبيرى الامورى والبنجالى والناتج الهجين اللايجر او التايجون.
اللايجر تهجين بين الاسد الدكر والنمره النتايه اللايجر بتنمو اكبر بكتير من اى من الوالدين. التايجون تهجين بين النمر الذكر والاسد النتايه.
↑ أبتوصلة : 183805 — تاريخ الاطلاع: 19 سبتمبر 2013 — العنوان : Integrated Taxonomic Information System — تاريخ النشر: 13 يونيه 1996
↑ أبتوصلة : 14000259 — تاريخ الاطلاع: 19 سبتمبر 2015 — المحرر: دون اى. ويلسون و DeeAnn M. Reeder — العنوان : Mammal Species of the World — الاصدار الثالث — الناشر: مطبعة جامعة جونز هوبكينز — ISBN 978-0-8018-8221-0
↑ أبوصلة : 14000259 — المؤلف: أندرو سميث ، يان خوسي ، Darrin P. Lunde ، دون اى. ويلسون ، W. Christopher Wozencraft ، روبرت شو هوفمان ، Wang Sung و John R. MacKinnon — المحرر: أندرو سميث و يان خوسي — العنوان : A Guide to the Mammals of China. — الصفحة: 402 — الناشر: مطبعة جامعة برينستون
