مرسى جميل عزيز شاعر وكاتب أغانى مصرى متميز قدير، اتولد فى 9 يونيه 1921 فى مدينه الزقازيق فى محافظه الشرقيه و مات فى 9 فبراير 1980، عن عمر 58 سنه.
- كتب أكتر من 1000 اغنيه، و قصيده، و اتلقب بفارس الاغنيه المصريه ، رائد الاغنيه المصريه الحديثه، صاحب المدرسه الرومانسيه فى الاغنيه ، مهندس الاغنيه المصريه ، شاعر الالف اغنيه الناجحه، جواهرجى الكلمه، مزيكاتى الكلام ، رسام الكلام، ابو الواقعيه فى الاغنيه، عملاق الاغنيه الشعبيه المصريه ، و غيرها.
حياته
شاعر وكاتب أغانى مصرى، ابوه جميل مرسى من كبار تجار الفاكهه ، اللى مكنه من أن يشبع ميوله واهتماماته الأدبيه و الفنيه و هو صغير، و قرأ لكثير من الشعراء يتقدمهم (بيرم التونسى)، كمان اتأثر بنداءات الباعه علا الفاكهه و بالأغانى الشعبيه واستوعبها. ظهرت ميوله للشعر من طفولته و بالتحديد من سن اتناشر سنه و فى مدرسته الثانويه و بعدها كليه الحقوق بقا رئيس وعضو لعده جماعات أهمها الشعر، والآداب، و كمان فنون التصوير، والمزيكا، والتمثيل، كمان انضم لفريق الرحلات.
اخد شهاده البكالوريا سنه 1940 و دخل كلية الحقوق. كانت أول أغنيه تتذاع له فى الاذاعه المصريه سنه 39، و هو عمره وقتها 18 سنه و كانت اسمها (الفراشه) ولحنها الموسيقار الكبير (رياض السنباطى) وفى نفس السنه ذاعت شهرته لما كتب أغنيه (يامزوق يا ورد لى عود) اللى غناها المغنى (عبدالعزيز محمود) و بعدها ابتدا رحله شعريه طويله فكتب كلمات لكبار الملحنين ليغنيها كبار المغنيبن والمغنيات.
غنا كلماته (عبد الحليم حافظ) ليه و كان ليه النصيب الاكبر : 35 أغنيه. بالاضافه الى الثلاثيه الشهيره اللى غنتها السيده (أم كلثوم) و لحنها (بليغ حمدي): (سيره الحب، فات المعاد، ألف ليله وليلة). و هو الشاعر المعاصر المصرى الوحيد اللى غنت ليه السيده (فيروز) قصيدته (سوف أحيا) وصار اللقاء بينهما نقطه فارقه، مش فى مسيرته الابداعيه بس ،لكن فى الحياه الثقافيه المصريه بوجه عام، و بقت الأغنيه بعدها واحده من أهم الاغانى فى تراث الاذاعه المصريه ، سجلت فى أستديوهاتها وقت زياره فيروز والرحبانيه لمصر.
وهو صاحب كلمات أغانى مشهوره زى (بيت العز، زغروده حلوه رنت فى بيتنا)، ألف أغانى طابعها التفاؤل زى: (ليه تشغل بالك، وضحك ولعب) و هو كمان صاحب القصيده الشعريه والأغنيه الانسانيه التأمليه زى (غريبه منسيه) لنجاه و (أعز الناس) لحليم و (من غير ليه) لعبد الوهاب، كتب كمان عده أغانى وطنيه منها (بلدى يا بلدي) لـ(عبد الحليم حافظ)، و (بلدى أحببتك يا بلدى) لـ(محمد فوزى).
فى حياته ما اكتفاش بموهبته لكتابه الشعر فدرس والشعر و الأدب المصرى الجديد و القديم ، و كمان الأدب العالمى و أصوله و نظرياته وقواعده النقديه. و بجانب كونه شاعر كتب قصص قصيره و سيناريوهات بعض الأفلام، كمان ليه بعض المقالات الصحفيه نشرها فى بعض الصحف المصريه. و ما اكتفاش بده لكن اتجه للدراسه و خد دبلوم فى فن كتابه السيناريو سنه 1963. كرمته الدوله بوسام الجمهوريه للآداب والفنون سنة 1965، و أطلقت محافظه الشرقيه اسمه علا الشارع الذى كان ساكن فيه فى مدينه الزقازيق. اتجوز فى سنه 1946 و خلف ولد واحد هوه اللواء (مجدى) و تلات بنات هما (وجدان) المحاميه ، الدكتوره (ماجده مرسى جميل عزيز) استاذة الفلسفه بكليه الآداب جامعه طنطا والدكتوره (نهاد) هيا دكتورة أطفال.
رحل عن عالمنا فى التاسع من فبراير 1980 عن عمر 59 سنه.
اشهر الاوپربتات اللى الفها
اشهر الاغانى اللى الفها
جوايز
وسام الجمهوريه للفنون والآداب سنه 1965، من الرئيس الراحل جمال عبد الناصر، ضمن اول مجموعه صغيره مرموقه تحصل عليه فى مجالات الفكر واالفنون والآداب.
فيلموجرافيا
- ده أحبه .. وده أريده (1975) .... سيناريو
- بنتى العزيزه (1971) .... تأليف الأغانى
- علشان عيونك (فيلم) (1954) .... تأليف الأغانى
- مبروك عليكى (1949) .... تأليف الأغانى
