لويس بونابرت

لويس بونابرت
(باللغه فرنساوى: Louis Bonaparte)
معلومات شخصيه
اسم الولاده	(باللغه طليانى: Luigi Buonaparte)
الميلاد	2 سبتمبر 1778 [1][2][3][4][5][6][7]  اجاكسيو
الوفاة	25 يوليه 1846 (68 سنة)[1][2][3][4][5][6]  ليفورنو
مواطنه	فرنسا [8]
الزوجة	اورتينس دى بوارنيه (4 يناير 1802–)[9]
ابناء	نابوليون التالت ،  ونابليون لويس بونابرت
الاب	كارلو بونابرت
الام	يتيسيا رامولينو
اخوه و اخوات	نابوليون بونابارت ،  واليزا بونابرت ،  وكارولين بونابرت ،  وبولين بونابرت ،  وجيروم بونابرت ،  ولوتشيانو بونابرت ،  وچوزيف بونابارت
معلومات تانيه
المهنه	سياسى ،  وعسكرى ،  وكاتب [10]،  ومؤرخ [11]
اللغه الام	لغه فرنساوى
اللغات المحكيه او المكتوبه	لغه فرنساوى ،  وهولندى
بداية فترة العمل	1792[12]
الخدمة العسكرية
الجوايز
وسام القديس اندراوس (الامبراطوريه الروسيه)
تعديل مصدري - تعديل

لويس بونابارت (فرنساوى: Louis Bonaparte) ، (مواليد 2 سبتمبر 1778 - 25 يوليه 1846) هو الاخ الأصغر لأمبراطور فرنسا نابوليون بونابارت ، اللى بقى ملك هولاندا من 1806 لحد 1810. لويس بونابارت هو ابو نابوليون التالت امبراطور فرنسا. كان عسكرى و جنرال فى الجيش الفرنساوى و بقى جنرال فى الجيش و هو عنده 25 سنة فى 1804.

بدايته

لويس بدا زى اخوه نابوليون و دخل المدرسة العسكرية و شارك مع اخوه فى الحملة الايطاليه و فى الحملة الفرنسيه على مصر ، بعد كده ااترقا ، و ساعد اخوه فى الاطاحه بالدايركتورية الفرنسية فى 1797. بعد ما بقى نابوليون قنصل اول ، رتب لاخوه انه يتجوز أورتينس دى بوهارنيه ، بنت مراته جوزفين من جوزها الاول ، الجوازه اللى كان لويس و أورتينس مجبورين عليها.

ملك هولاندا

مقال اصلى :مملكة هولاندا

بعد معركة اوسترليتز فى ديسمبر 1805 ، نابليون بدا يخطط انه يعمل مجموعة من الدول الدميه حولين الامبراطوريه الفرنسيه و حط مجموعة من اخواته ملوك عليها ، فى حالة هولاندا ، نابليون كان مش عاجبه محاولات الجمهوريه البتافيه ، اللى كانت دولة دمية الجمهوريه الفرنسيه الاولى عملتها فى النيديرلاند، الاستقلال و متبقاش تابعة لفرنسا ، فعشان يسيطر اكتر على النيديرلاند و اعلن اخوه ملك هولاندا فى 5 يونيه 1806. نابليون كان عايز اخوه يبقى زى حاكم فرنساوى على هولاندا و ملك بالاسم بس بياخد تعليمات من فرنسا ، بس لويس كان بيحاول ياخد شوية استقلاليه بهولاندا و يبقى حاكم مستقل ، و لحد ابتدى يتعلم نيديرلاندى عشان يتكلم لغة الشعب اللى بيحكمه ، اللى احترمه بالرغم ان الهولاندى بتاعه مكنش كويس ، و خلى لغة البلاط الملكى هولاندى مش فرنساوى و اجبر كل اللى فى البلاط انهم يتنازلوا عن جنسيتهم الفرنساويه ، اللى مراته أورتينس دى بوهارنيه رفضته و كانت قاعده فى فرنسا مع اولادهم، و اتدخل بنفسه فى حل ازمات و كوارث طبيعية زى الفيضان اللى حصل فى هولاندا سنة 1809، و ده اللى خلى الشعب يحبه و يديله لقب "لويس الطيب" Louis the Good. لويس كان رافض سياسة اخوه اللى كانت بتجر هولاندا لازمة اقتصاديه كبيره بسبب حروبه مع بقية دول اوروبا و تبعية هولاندا لفرنسا فى سياستها الخارجيه ، و بسبب كده دخل فى خلافات كبيره مع اخوه نابليون اللى وصلت لدرجة ان نابليون اقترح عزل لويس عن عرش هولاندا و تنصيب ابنه نابليون لويس بونابرت ، اللى كان فى فرنسا ، ملك هولاندا ، و ده اللى لويس رافضه ، ده خلى نابليون يغزوا هولاندا و ينصب نابليون لويس بونابرت ملك على هولاندا بالعافية فى 1 يوليه 1810 و هروب لويس بره هولاندا. فى 9 يوليه 1810 ، بعد 10 ايام بس من الغزو ، نابليون اعلن ضم هولاندا لفرنسا بشكل رسمى.

النفى

بعد غزو هولاندا ، امبراطور النمسا فرانسيس الاول اداله لجوء عشان يعيش هناك بعد ما ساب هولاندا. طلب اكتر من مرة من ويليام الاول ملك النيديرلاند انه يسمح له يزور هولاندا ، بس رفض. فى عهد ويليام التانى اتسمح له يزور هولاندا فى 1840 ، و فى الزيارة دى الهولانديين رحبوا به.

شوف كمان

• نابوليون بونابارت
• اسبانيا

مصادر

1. مُعرِّف موسوعة بريتانيكا على الإنترنت (EBID): https://www.britannica.com/biography/Louis-Bonaparte-king-of-Holland — باسم: Louis Bonaparte — تاريخ الاطلاع: 9 اكتوبر 2017 — العنوان : Encyclopædia Britannica
2. معرف الشبكات الاجتماعيه: https://snaccooperative.org/ark:/99166/w6gq7432 — باسم: Louis Bonaparte — تاريخ الاطلاع: 9 اكتوبر 2017
3. مُعرِّف فناني معهد هولندا لتاريخ الفن (RKDartists): https://rkd.nl/artists/414531 — باسم: Lodewijk Napoleon — تاريخ الاطلاع: 9 اكتوبر 2017
4. مُعرِّف شخص في موقع "النُبلاء" (thepeerage.com): https://wikidata-externalid-url.toolforge.org/?p=4638&url_prefix=https://www.thepeerage.com/&id=p11238.htm#i112379 — باسم: Louis Bonaparte, King of Holland — تاريخ الاطلاع: 9 اكتوبر 2017 — المؤلف: داريل روجر لوندي — المخترع: داريل روجر لوندي
5. مُعرِّف سيرة شخص لدى معهد هويجنس لتاريخ هولندا (BPN): http://www.biografischportaal.nl/persoon/22002465 — باسم: Lodewijk Napoleon — تاريخ الاطلاع: 9 اكتوبر 2017
6. مُعرِّف شخص في موقع "جينالوجيكس" (genealogics.org): https://www.genealogics.org/getperson.php?personID=I00016995&tree=LEO — باسم: Louis Bonaparte — المؤلف: Leo van de Pas
7. معرف فنان في فنانو العام القاموس على الإنترنت: https://www.degruyter.com/document/database/AKL/entry/_00523078/html — باسم: Koning) Lodewijk Napoleon (Holland — المحرر: أندرياس باير و بينيديكت سافوى — العنوان : Artists of the World Online — الناشر: K. G. Saur Verlag و دي جروتر — https://dx.doi.org/10.1515/AKL
8. مُعرِّف فناني معهد هولندا لتاريخ الفن (RKDartists): https://rkd.nl/artists/414531 — تاريخ الاطلاع: 30 يونيه 2020
9. مُعرِّف شخص في موقع "النُبلاء" (thepeerage.com): https://wikidata-externalid-url.toolforge.org/?p=4638&url_prefix=https://www.thepeerage.com/&id=p11238.htm#i112379 — تاريخ الاطلاع: 7 اغسطس 2020
10. الرخصة: رخصة المشاع الإبداعي الملزِمة بالنسب لمؤلِّف العمل وبالترخيص بالمثل غير القابلة للإلغاء 3.0 و رخصة جنو للوثائق الحرة
11. الرخصة: رخصة المشاع الإبداعي الملزِمة بالنسب لمؤلِّف العمل وبالترخيص بالمثل غير القابلة للإلغاء 3.0 و رخصة جنو للوثائق الحرة
12. مُعرِّف فناني معهد هولندا لتاريخ الفن (RKDartists): https://rkd.nl/artists/414531 — تاريخ الاطلاع: 6 سبتمبر 2022