الهرم الاكبر - مصر : بناه الملك خوفو حوالى 2700 قبل الميلاد وده اكبر هرم فى مصر و موجود فى الجيزه جنب اهرامات خفرع و منقرع. مبنى على حوالى 12 فدان و إرتفاعه دلوقتى 137,18 متر ( كان زمان146,52 متر ). استعمل فى بنائه 521.000 .2 متر مكعب من الحجر الجيري. كات له كسوه خارجيه من الحجاره. مدخله من الجهه البحريه، و جواه ممرات و أودتين للدفن. واحده للملك و واحده للملكه.
فنار اسكندريه - مصر : إتبنى على جزيرة فاروس فى مدخل المينا الشرقيه بتاعة اسكندرية فى عهد بطليموس التانى ( حوالى 280 قبل الميلاد ). الفنار كان متكون من اربع ادوار : الاول مربع، و التانى متمن، و التالت مدور فوقيه لمبه كبيره محطوطه على تلت عواميد شايله قبه عليها تمثال ضخم بيرجح كان لإله البحور " بوسيدون ". الفنار كان طوله بتاع 120 متر و كان مبنى من الحجر الجيرى و عواميده كات جرانيت و حتت منه كات متزينه بالرخام و البرونز. فضل الفنار يؤدى وظيفته لغاية ما العرب إحتلوا مصر سنة (642) و إتوالت الكوارث لغاية ما اتلاشى خالص فى القرن 14 بعد زلزال كبير.
عجايب الدنيا السبعه
تمثال زيوس - كان فى اليونان على جبال اوليمبوس. نحته المثال اليونانى فيدياس و عمل جسمه من العاج و عبايته من الدهب. كان طوله 13 متر.
تمثال رودس - كان فى جزيرة رودس : كان تمثال ضخم للاله هيليوس اللى حرر رودس من الملك المقدونى ديمتريوس الاول. اتعمل سنة 300 قبل الميلاد واتدمر فى زلزال كبير سنة 224 قبل الميلاد.
هيكل ارتميس: أو معبد ديانا كان فى افسوس. بناه الايونيين فى فتره طويله مدتها 220 سنه. كان طوله 122 متر و عرضه 61 متر. الامبراطور الرومانى نيرون خربه و القوطييين دمروه سنة 262.
حدايق بابل المعلقه بتحل محل أسوار بابل و بتتنسب لسميراميس. و بيتقال إن نبوخذنصر بناها عشان يفرح بيها زوجه من زوجاته. كات بتتكون من فراندات مبنيه فوق بعض قايمه على عواميد ضخمه و كات الميه بتوصلها بإنتظام عشان تروى اشجارها و نباتاتها.
ضريح موسولوس - كان فى هالكارناسوس على شط بحر إيجه : بنته أرتميسيا سنة 354 قبل الميلاد عشان تخلد ذكرى جوزها ماوسولوس ملك كاريا. كان طوله 90 متر . التمثال اللى كان عليه فضل قاعد لغاية القرن الرابع. الأتراك دمروه بالكامل فى العصور الوسطى.
.jpg)
