اتولد بدران فى الجيزه سنة 1929 و اتخرج من الكليه الحربيه سنة 1948 بعد 6 شهور بس من دخوله عشان يشارك فى حرب 48 و كان من ضمن القوات اللى اتحصرت فى الفالوجا.
و بعد يوليه سنة 1952 اخد مناصب كتير لحد ما بقى مدير مكتب عبد الحكيم عامر النايب الالولانى بتاع عبد الناصر.
اتعرف بقربه من الرئيس جمال عبد الناصر و اختاره ناصر وزير للحربيه سنة 1966 رغم ان ما عندوش اى خبره فى العسكريه.
هزيمه 67
شمس بدران واحد من المسئولين عن هزيمه الجيش المصرى فى حرب يونيه 1967 و استقال بعدها بكام يوم مع عبد الحكيم عامر.
تعذيب المعتقلين
اشتهر بتعذيب المعتقلين عشان ياخد الاعترافات زى ما ورد فى مذكرات زينب الغزالى و كان اهم رجالته اللوا حمزه البسيونى و صفوت الروبى و غيرهم.
سجنه
بعد هزيمة 67 اتحاكم اتحكم عليه بالسجن هوه و صلاح نصر و عباس رضوان ب 25 سنه سجن كمان اتحاكم بتهمه تعذيب المعتقلين و اتحكم عليه بالسجن 30 سنه و افرج عنه السادات بمناسبة انتصار اكتوبر.
.svg)
.svg)
,_Flag_of_Syria_(1980%E2%80%932024).svg)
