داوود او داؤود بالعبرى דָּוִד , وتلفظ بالعبريه الحديثه: دافيد) معناه "محبوب", هوا تانى ملك على مملكة اسرائيل الموحده (1011 ق.م. - 971 ق.م.) و واحد من انبياء بنى اسرائيل بحسب المعتقد الاسلامى, ف اليهوديه بيعتبر ملك مش نبى جه بعد اش-بوشيت (او اشباعل), الابن الرابع للملك شاؤل.
بيتم وصفه على انه احق و انزه ملك من بين ملوك اسرائيل التاريخيين - لكن مش بلا غلط - و كمان هوا محارب ممتاز, و شاعر (و بيعتبره التراث اليهودى و المسيحى مؤلف الكتير من المزامير).
اجابه لرغبة داود لبناء معبد او بيت لله, وعد الله داود ان عيلته الملكيه هتعيش للابد. و عشان كده, بيؤمن اليهود ان المسيح اليهودى هيكون من نسل داود المباشر, و بيؤمن المسيحيين ان نسل يسوع بيرجع لداود علشان مريم من نسل داود.
طبيعة ملكه كانت تحت خلاف و نقاش, رفض و دافع عنها الكتير من باحثى التوراه الحديثين, لكن حياة داود المكتوبه فى التوراه العبرى لسه مقبوله بصوره كبيره بين اليهود و المسيحيين, و قصته بقا ليها تمييز مركزى على ايد المجتمع الغربى.
تم تدوين حياته و قصة ملكه فى التوراه العبرى فى صموئيل 1 (اصحاح 16 فما بعد) و صموئيل 2 ,ملوك 1,ملوك 2.
اخبار الايام 1 تعطى قصص تانيه لداود متعلقه بقوائم ورائيه و عائليه تانيه.