بطاقة الرقم القومى المصريه

بطاقة الرقم القومى المصريه
البلد	مصر
صادر عن	, وزاره الداخليه
صالحه في	مصر
نوع المستند	بطاقة هويه
الغرض	إثبات الشخصيه
متطلبات الاستحقاق	الجنسيه المصريه
تعديل

بطاقه الرقم القومى أو رسميا بطاقه تحقيق الشخصيه فى مصر هى بطاقه بتصدرها مصلحه السجل المدنى واللى بتتبع وزاره الداخليه المصريه لتعريف المواطنين المصريين, حسب القانون رقم 143 لسنه 1994 و اللى بينص إن كل اللى بيبقى عمره فوق 16 سنه لازم يستصدرها و يحملها و يقدمها لمندوبى السلطات العامه فورا عند الطلب, و بيعاقب القانون بالغرامه المتخلفين عن استصدارها أو تحديث بياناتها خلال تلات شهور من تغير البيانات.

بيانات البطاقه

البطاقه متسجل عليها البيانات:

• الاسم
• تاريخ الميلاد
• النوع (القيم الممكنه: ذكر | أنثى)
• الديانه (القيم الممكنه: مسلم | مسيحى | يهودى | أو علامه "-" لغير أصحاب الديانات "السماويه" الثلاث)^[1]
• الحاله الاجتماعيه (القيم الممكن: أعزب | متجوز | مطلّق | أرمل)
• عنوان محلّ الإقامه
• مكتب الإصدار^[2]
• المهنه ( حسب لشهاده قيد الأشخاص المطبق لهم قانون النقابه)
• اسم الزوج (للستات)
• الرّقم القومى * صوره شخصيه
• تاريخ إصدار البطاقه
• تاريخ انتهاء صلاحيه البطاقه (للبطاقات الصادره بعد سنه 2007)
• رقم البطاقه (الرقم المطبوع)

البطاقه مطبوع على ظهرها كود بصرى حسب معيار PDF417.

وصف الرقم القومى

الرقم القومى و هو رقم فريد لكل مواطن مصرى بيتكون من 14 رقم

بيمثل الرقم القومى لكل مواطن:^[3]

مثال	7	9	5	4	0	3	1	5	1	8	0	2	8	2
الكود	C1	Z1	Z	Z	Z	X	X	D	D	M	M	Y	Y	C
الوصف	رقم رقابى للتحقق من صحه الرقم القومى	رقم من أربعه خانات يضيفه النظام يكون فريدا على مستوى المواليد فى ذات اليوم و المحافظه.				كود المحافظه		تاريخ الميلاد						للدلاله على القرن (القرن 100 سنه) من سنه 1900 لحد سنه 1999 : C= 2 من سنه 2000 لحد سنه 2099 C= 3
		إذا كان الرقم فردى بيكون المولود (ذكر) إذا كان الرقم زوجى بيكون المولود (أنثى)						يوم		شهر		سنه

مصادر

1. حسب علشان تعديل قرار رقم 1121 لسنه 1995 بإصدار اللائحه التنفيذيه لقانون الأحوال المدنيه
2. قرار رقم 1121 لسنه 1995 بإصدار اللائحه التنفيذيه لقانون الأحوال المدنيه, ماده 34.
3. تعريف بالرقم القومى للمواطن, موقع قطاع مصلحه الأحوال المدنيه, وزاره الداخليه. نسخة محفوظة 27 مايو 2015 على موقع واي باك مشين.

لينكات برانيه

• طلب استخراج البطاقه نسخة محفوظة 2010-12-05 على موقع واي باك مشين. - موقع قطاع مصلحه الأحوال المدنيه - وزاره الداخليه.
• بطاقه الرقم القومى, موقع القنصليه المصريه - نيو يورك - الولايات المتحده.
• الداخليه توضح ماهيه الرقم الكودى المدون بالوجه الخلفى للرقم القومى - بوابه الأهرام - 16 يونيه 2011