صورة لبردية ابيرسصفحة لبردية ابيرس تقترح علاجا للربو مكون من الاعشاب التى تغلى بعدين يتنفس المريض ابخرتها.
بردية ايبرس Ebers Papyrus بتعتبر مخطوطة بردية ايبرس اكبر مخطوطه مصريه قديمه فى الطب و بتحتوى على 108 عمود مكتوب على ملفوفه بردى طولها 19 متر و بتوصف عدد كبير من الحالات المرضيه اللى بتتفرع الايام دى لتخصصات كتيره فى الطب: طب الستات و الطب الباطنى و طب الاسنان و طب الطفيليات و طب العيون و و طب الامراض الجلديه.
من بردية ايبرس لعلاج ورم . العالم الالمانى جورج ايبرس
و بتتعلق الامثله المذكوره فى البرديه علاج الالتهابات و علاج الاورام و جبر كسور العظام و كمان علاج الحروق و فيها اطروحه عن علاج القلب و الاوعيه الدمويه و قسم قصير عن الانهيار العصبى و كمان فيها عدد من وصفات العقاقير العلاجيه.
و كان العلما بيعتقدو ان تاريخ بردية ايبرس بترجع للقرن 16 قبل الميلاد بس البحوث بينت انها اتكتبت قبل ده بكتير و بيرجع تاريخها لعهد الملك احمس و احتمال كونها منقوله من مخطوطات اقدم.
اكتشف البرديه العالم الالمانى جورج ايبرس فى رحلته العلميه لمصر فى شتاء سنة 1873 و كان اشتراها فى الاقصر ؛وهى محفوظة الايام دى فى مكتبة جامعة لييبزج Leipzig University Library .
