بان كى مون (كورى: 반기문 صينى: 潘基文 |Ban Ki-moon|) اتولد فى يوم 13 يونيه1944. بقى سكرتير عام الامم المتحده التامن من 1 يناير 2007 و لحد دلوقتى, اتولى المنصب دا بعد الغانى كوفى انان. قبل ما يمسك منصب سكرتير عام الامم المتحده كان وزير خارجيه و التجارة فى بلده كوريا الجنوبيه.
دراسته
اخد البكالوريوس فى العلاقات الدولية من جامعة سول الوطنية فى سنة 1970. و فى سنة 1985 اخد الماجستير فى الادارة العامة من معهد كندى لشؤون الحكم بجامعة هارفرد, فى يوليه 2008 اخد شهادة دكتوراه فخريه من جامعة سول الوطنيه.
الامم المتحده
بان كى مون علاقته مع الامم المتحده بترجع لسنة 1975, و قت ما اشتغل بشعبة الامم المتحده فى وزارة الخارجيه, و بعدين اتعين سكرتير اول ببعثة كوريا الجنوبيه الدايمه فى الامم المتحده فى نيو يورك, و بعدين مدير لشبعة الامم المتحده بمقر و زارة الخارجيه فى سول, و بعدين اشتغل كسفير لبلده فى ڤيينا. شارك مع الامم المتحده فى محاولات الصلح و المواضيع المتعلقة بين كوريا الشماليه و كوريا الجنوبيه, و فى سنة 1999 مسك رئاسه اللجنه التحضيريه لمنظمة معاهدة الحظر الشامل للتجارب النووية. و فى سنة 2005 قام بصفته وزير للخارجيه فى كوريا الجنوبيه بدور مهم فى تحقيق اتفاق تاريخى هدفه زيادة السلام و الاستقرار بين كوريا الشماليه و الجنوبيه و تسوية المسأله النووية بتاعة كوريا الشمالية. عينته الجمعيه العامه للامم المتحده سكرتير عام فى يوم 31 ديسمبر 2006، و بقى التامن سكرتير عام للامم المتحده فى 1 يناير 2007.[8]
جوايز
اخد فى سنة 1975 و 1986 و فى 2006 وسام الاستحقاق من الدرحة الاولى من جمهورية كوريا الجنوبيه على خدمته لبلده
ابريل 2008 اخد وسام الصليب الاكبر الوطنى من بوركينا فاسو.
ابريل 2008 اخد وسام الشرف من رتبة ظابط من كوت ديفوار.
_-_Crosses.svg)
