الفضاء الخارجى

المقاله دى عن الفضاء الخارجى. عناوين زيها شوف الفضاء

الفضاء الخارجى
الفضاء
جزء من	كون
تطابق تام	http://purl.obolibrary.org/obo/ENVO_01000637[1]
تعديل

الفضاء الخارجى أو الفضاء ببساطه هو الامتداد الموجود ورا الأرض برى الغلاف الجوى و بين الأجرام السماويه. الفضاء الخارجى مش فاضى تماما و بيحتوى على كثافه منخفضه من الجزيئات غالبا بتكون بلازما من الهيدروجين و الهيليوم و الاشعاع الكهرومغناطيسى و المجالات المغناطيسيه و النيوتريونات و الغبار و الأشعه الكونيه.^[2]

درجه حراره خط الأساس للفضاء الخارجى 2.7 كلفن (70270.45- درجه مئويه , 454.81- درجه فهرنهايت), البلازما بين المجرات بتشكل حوالى نص الماده الباريونيه (العاديه) فى الكون, الدراسات بتقول ان 90 ٪ من الكتله فى معظم المجرات فى شكل مش معروف و بتتسمى الماده المظلمه و غالبيه طاقه الكتله فى الكون اللى ممكن ملاحظتها هى طاقه مظلمه,^[3] و هو نوع من طاقه الفراغ مش مفهومه.^[4]

الفضاء الخارجى ما بيبداش على ارتفاع محدد فوق سطح الأرض و رغم ده خط كارمان على ارتفاع 100 كم (62 ميل) فوق مستوى سطح البحر بيستخدم بشكل تقليدى كبدايه للفضاء الخارجى فى معاهدات الفضاء و حفظ سجلات الفضاء الجوى.^[5]

اتعمل اطار قانون الفضاء الدولى حسب معاهده الفضاء الخارجى, و اللى دخلت التنفيذ فى 10 اكتوبر 1967. المعاهده دى بتمنع أى مطالبه بالسياده الوطنيه و بتسمح لكل الدول باستكشاف الفضاء الخارجى بحريه. رغم صياغه قرارات الامم المتحده للاستخدام السلمى للفضاء الخارجى تم اختبار الأسلحه المضاده للأقمار الصناعيه فى مدار حول الأرض.

تاريخيا

بدأ البشر فى الاستكشاف المادى للفضاء فى القرن العشرين مع ظهور رحلات منطاد على ارتفاعات عاليه, و بعد كده رحلات صاروخيه مأهوله و اول واحد طلع رحله للمدار كان يورى جاجارين من الاتحاد السوفيتى سنة 1961. بسبب تكلفه الرحله للفضاء اقتصرت رحله الفضاء المأهوله على مدار أرضى منخفض و القمر. من ناحيه تانيه وصلت المركبات الفضائيه الغير مأهوله لكل الكواكب المعروفه فى النظام الشمسى.

التكوين

حسب نظريه الانفجار العظيم (Big Bang) كان الكون المبكر فى حاله سخنه و كثيفه جدا من حوالى 13.8 مليار سنه و اللى اتوسعت بسرعه, بعد حوالى 380,000 سنه تم تبريد الكون بدرجه كافيه للسماح للبروتونات و الالكترونات بالجمع بين الهيدروجين و تكوينه و اللى اتسمى عصر اعاده التركيب و فيه انفصلت الماده عن الطاقه و اللى سمح للفوتونات بالسفر بحريه عبر الفضاء المتسع باستمرار. شافت الماده بعد التوسع حصل فيها انهيار الجاذبيه و تكوين النجوم و المجرات و غيرها من الأجسام الفلكيه و فراغاعميق بيشكل الفضاء الخارجى, و علشان للضوء سرعه محدوده بتقيد النظريه دى حجم الكون اللى ممكن ملاحظته مباشره و دا بيسيب سؤال بدون اجابه: هل الكون محدد أو لا نهائى.^[6]

التقديرات بتشير ان متوسط كثافه الطاقه اليوم بتعادل 5.9 بروتونات لكل متر مكعب بما فيها الطاقه المظلمه و الماده المظلمه و الماده الباريونيه (الماده العاديه المكونه من الذرات). بتمثل الذرات 4.6 ٪ بس من اجمالى كثافه الطاقه أو كثافه بروتون واحد لكل أربعه أمتار مكعبه. و من الواضح ان كثافه الكون مش موحده و بتتراوح من الكثافه العاليه نسبيا فى المجرات -بما فيها الكثافه العاليه جدا فى الهياكل جوه المجرات زى الكواكب و النجوم و الثقوب السوداء- للفراغات الكبيره اللى ليها كثافه اقل بكتير.

مصادر

1. Environment Ontology — تاريخ الاطلاع: 8 يناير 2023 — الرخصة: CC0
2. "LAMBDA - Cosmic Background Explorer". lambda.gsfc.nasa.gov. اطلع عليه بتاريخ 2020-01-26.
3. "Dark Energy, Dark Matter | Science Mission Directorate". science.nasa.gov. اطلع عليه بتاريخ 2020-01-26.
4. "Outer space". Wikipedia (بالإنجليزية). 17 Jan 2020.
5. "Archive copy". aerospaceengineering.aero. مؤرشف من الأصل في 2015-11-17. اطلع عليه بتاريخ 2020-01-26.
6. Ms (2009-09). "Origin of the Universe". Scientific American (بالإنجليزية). PMID:19708526. Retrieved 2020-01-26. {{استشهاد ويب}}: الوسيط غير المعروف |الاولانى= تم تجاهله (help)