سنهدريم او سنهدرين هيا كلمة عبرية منقولة عن "سندريون" (باليونانية synedrion) و (بالانجليزية The Great Sanhedrin) ، ومعناها "الجالسون مع بعض " وتعنى مجمع مشيخة أو مجلس المشوره . اطلق الاسم اليهود فى فترة وجود السيد المسيح على الارض باعتباره المحكمة العليا للأمة اليهودية ، و كانت المتحدث الرسمى باسم الشعب اليهودى امام الرومان ويتكون من واحد وسبعين عضو ، سبعين منهم زى عدد الشيوخ اللى عاونوا موسى , والواحد والسبعين هو رئيس الكهنة او الكاهن الاعظم اللى كان له حق التشريع فى الاحكام الدينية والسياسية والاجتماعية . لكن توقف الشغل بيه بعد سنة 70 م بعد خراب أورشليم والشتات اليهودى .
منشأ مجمع السنهدريم
يرجع تقليد معلمى اليهود بمنشأ "السنهدريم الأعلى" الى السبعين شيخ اللى استعان بهم موسى فى البرية . وفى أيام عزرا ونحميا ، ماكانش هناك مجلس من الشيوخ لاكن كان يجتمع ساعات كل الشعب و كان يقصد به اجتماع للأمة اليهودية و كان لمبدأ "اجتماع كل الأمة" أهمية كبيرة لاكن لم يعد ممكن بعدها بسبب ازدياد عدد الشعب ، فتحولت اختصاصات "اجتماع كل الأمة" الى المجمع المركزى فى أورشليم باعتباره ممثل لكل الأمة.
تفاوتت سلطات السنهدريم فى ادارة شئون الأمة بحسب الظروف السياسية للأمة ، وتغير الحكومات ، فمثل فى عهود بعض الحكام الرومانيين كان للسنهدريم نصيب كبير فى الحكم . وفى أحيان تانيه كانت تتقلص اختصاصات المجلس لحد تصبح قاصرة على شئون العبادة فى الهيكل بس .
