فيدرالية د ليسر دّيمقراطي (ب لعربية فيدرالية اليسار الديمقراطي ، ب لأمازيغية ⵜⴰⴼⵉⴷⵉⵔⴰⵍⵉⵜ ⵏ ⵓⵥⴻⵍⵎⴰⴹ ⴰⵎⴰⴳⴷⴰⵢ لفرانساوية Fédération de la gauche démocratique ، ب ختيصار FGD ) هو حيزب سياسي مغريبي.
تشكل التحالف بين تلاتة د لحزاب ليسارية — لي هوما لحيزب شّتيراكي لموحد ، حيزب طّليعة دّيمقراطي شّتيراكي ، ؤ حيزب لمؤتمر لوطني تّيحادي قبل من نتيخابات تشريعية د 2007 لي شارك فيها ب ليستات موحدة ف 75٪ من دواير نتيخابية، ؤ ربح فيها ستة د لبلايص ف مجليس نواب فين قدر يشكل مجموعة برلمانية.
ف يناير 2014، لأحزاب ب تلاتة قررو يبدلو سميت تّحالف، لي ولا سميتو "فيديرالية ليسار دّيموقراطي".[ 1]
ف يونيو 2015، دخلات حركة وضوح طموح شجاعة، لي أسسها عمر بلافريج ، معا لفيديرالية ؤ شاركو مجموعين ف نتيخابات لجماعية ؤ لجيهاوية د شتنبر 2015.[ 2]
ف 30 يونيو 2021، لحيزب شّتيراكي لموحد نساحب من تّحالف باش يشارك بوحدو ف نتيخابات تشريعية .[ 3] محمد الساسي تيار جديد وسط من لحيزب رافض لقرار ب سميت "ليسر لوحدوي" ؤتبعوه ناس بحال محمد مجاهد ، مصطفى شناوي ، كريم تازي ؤ نجيب أقصبي .[ 4] [ 5]
ف دجنبر 2022، ندامج حيزب طّليعة دّيمقراطي شّتيراكي ، حيزب لمؤتمر لوطني تّيحادي ؤ تيار "ليسر لوحدوي" ف حيزب واحد، لي بقا محافض على سميت "فيديرالية ليسار دّيموقراطي".[ 6]
^ لفرق معا حيزب ليسار شتيراكي لموحد لي كان عندو 3 د لبلايص ف 2002 ؤ لمؤتمر لوطني تيحادي لي كان جاب بلاصة وحدة
مجلس نواب ماكاينينش ف مجلس نواب حزاب ؤ حركات ممنوعة حزاب مابقاتش تحالفات
