ڤييطنام ولاً لجمهورية لإشتراكية د ڤييطنام (بلڤييطنامية: Cộng hòa xã hội chủ nghĩa Việt Nam، اللي كانت كاتسمّا قبل: لاندوشين)هي واحد لبلاد اشتراكية فلجنوب الشرقي د آسيا. تاتحدًها من الشمال الشينوا، من الشرق ولجنوب خليج طونكين (بحر الصين لجنوبي)، ومن لغرب لاووس وطايلاند ولكامبودج.[1]
ڤييطنام عندها تاريخ طويل والتاريخ لمعاصر ديالها معروف. فاللول د لقرن 20، كانت مستعمرة فرانساوية، وستاقلات منها ف 1945. من مورا داكشي غادي تهاجم فرانسا على ڤييطنام فلحرب دلاندوشين اللي سالات ف 1954. فهاداك لوقت تقسمات لبلاد على 2: الشمال الشيوعي ولجنوب الرأسمالي. غادي تدخل موراها ميريكان ف حرب باش تعاون لجنوب، وغادي تبقا هاد لحرب تال 1975 وأتسالي باللي الشمال الشيوعي أيربح وأتخسر لميريكيان. من 1975 توحدًات ڤييطنام فبلاد وحدا جمعات الشمال ولجنوب وهي لجمهورية لإشتراكية د ڤييطنام.
تيسكنو فڤييطنام تقريبا 96 مليون د الناس. لعاصمة ديالها هي هانوي، وأكبر مدينة فيها هي "مدينة هو شي مين"، اللي كانت كاتسمًا سايݣون تال 1975. اللغة الرسمية فيها هي لڤييطنامية، ولعملة اللي تاتخدًم فيها هي الدونݣ. ڤييطنام داخلة فبزاف د لمنظمات دولية بحال لأمم لمتحدة ومنظمة التجارة لعالمية ورابطة دول جنوب شرق آسيا.
عيون لكلام
