لڤاتيكان، رسميا الدولة لمدينة د لڤاتيكان (بالطاليانية: Stato della Città del Vaticano) هي بلاد مدينة جات ف لوسط ديال لعاصمة ديال الطاليان روما. لڤاتيكان هي أصغر بلاد ف لعالم لا من جيهت السكان و لا من لمساحة.
لڤاتيكان عندها بلاصة خاصة ف لعالم حيت هي لمركز الروحي ديال لحكيم ديال الديانة لمسيحية، و عندها تأتير رمزي كبير ف لعالم، على تقريبا جوج لمليار د الناس اللي متبعين هاديك الديانة. واخا هي قديمة ف التاريخ، ما ولات دولة مستاقلة على الطاليان تال 7 يونيو 1929. النضام د لحكيم د لبلاد ملكي، تيكون فيه لماليك هو لبابا، و تيختاروه عدد ديال لقساوسة اللي عندهم خبرة كبيرة و وقت طويل د لخدمة.
تيسكنو ف لڤاتيكان 801 د الناس، و هي لعاصمة ديال راسها. لبلاد ماعندهاش لغة رسمية، و لكن ف لخدمة ديال كل نهار اللغات اللي كيتخدّمو بزاف هوما اللاتينية و الطاليانية و لألمانية. لفلوس اللي كاتخدّم هي لأورو، و الديانة الرسمية د لبلاد هي لمسيحية لكاطوليطية. لإقتصاد ديال لڤاتيكان تيدخّل لفلوس من التبرعات د الناس، و من السياحة (الدخول للمتاحف و السوڤونيرات). هي وحدا من لبلدان لقلال ف لعالم اللي ما فيهاش سفارات (حيت لمساحة ديالها صغيرة بزاف)، و لبلدان اللي عندهم سفارات ف لڤاتيكان تاتكون عندهم السفارة ف روما. لڤاتيكان ماشي عضو ف لأمم لمتحدة ولكن عندها وضع ديال مراقب دائم، و تيحضرو جتماعات ديالها.[1]
الرياضة
لڤاتيكان فيها بطولة ديال لكورة تيشاركو فيها 8 ديال لفراقي، و أحسن اللعابة ديالهم تيلعبو مع لمنتخب لوطني، اللي ما تيشاركش ف لإقصائيات د أوروبا، و تيلعب غي لماتشات د التدريب.[2]
عيون لكلام
.svg)
.svg)
.svg)
