لجمهورية د كوبا (بالصبليونية: República de Cuba) هي واحد لبلاد جات ف لبحر لكاريبي ف دخلة د خليج لميكسيك. كوبا هي أرخبيل ديال لجزر ضاير بيهم لبحر، منهم جوج د لجزر كبار لي هوما جزيرة كوبا وجزيرة لا خوڤنتود.
لبلاصة لي فيها كوبا دابا كان ساكن فيها واحد شعب سميتو تاينو من هادي 4000 عام قبل لميلاد حتى جاو صًبليون ف لقرن 15. صًبليون حتلو كوبا تال 1898 من موراها حتلاتها لميريكان تال 1902. من موراها أيدوزو بزاف د رؤساء على لبلاد، منهم فولخينسيو باتيسطا لي كان ديكتاتور و ثارو عليه ناس ف 1959. ديك تورة لي تزعمها فيديل كاسطرو خلات لبلاد تولي متبعا نيضام شتيراكي ماركسي لينيني، فيها حزب واحد (لحزب شتيراكي لكوبي)، وهي من لبلدان لقليلة ف لعالم لي باقي فيها هاد نيضام تال دابا.
تسيكنو فكوبا 11.2 مليون د ناس، ولعاصمة ديالها هي هابانا. لوغة رسمية ف لبلاد هي صّبليونية، ولعملة لي تاتخدًم فيها هي لپيزو لكوبي. رئيس د كوبا من 2018 لدابا هو ميݣيل دياس كانيل.
لمجتمع
لوغات
لوغة رسمية د كوبا هي صبلونية، ؤ لأغلبية لكبيرة د لكوبيين كيهضرو بيها. صبلونية لي مستعملة ف كوبا معروفة بسميت صبلونية لكوبية، ؤهي واحد شكل من صبلونية د لكاريبي. لوسيمي، لي هي واحد لهجة ديال لوغة د يوروبا د غرب إفريقيا، كيستعملوها ناس لي تابعين دين ديال صانطيريا بحال لوغة مقدسة[1]، والاكين غير بحال لوغة تانية.[2] لكريول د هايتي هي تاني لوغة لي مستعملة بزاف ف كوبا، ؤ كيهضرو بيها لموهاجيرين لهايتيين ؤ ولادهوم. لوغات لخرين لي كي هضرو بيها لموهاجيرين كاين لݣاليسية ؤ لكورسيكية.[3]
عيون لكلام
