قطر ولا الدولة د قطر هي بلاد جات ف لغرب ديال آسيا و بالضبط ف شبه لجزيرة لعربية. تاتحدّها السعودية من لجنوب و لبحر د لخليج من ݣاع الجوايه لاخرا. قطر عندها حدود بحرية مع لإمارات و لبحرين. لبلاصة اللي فيها قطر كانت تابعة للدولة لعتمانية تال اللول د لقرن 19، فين ولأّت مستعمرة بريطانية. ستاقلات لبلاد ف 1971، و ولاّت إمارة. لأمير ديالها دابا هو تميم بن حمد بن خليفة آل تاني.
تيسكنو ف قطر تقريبا 2.8 مليون د الناس، منهم كتر من 2 د لمليون د لبرانيين.[1] لعاصمة د لبلاد هي الدوحة و اللغة الرسمية هي لعربية. لفلوس اللي كاتخدّم هي الريال لقطري، و الدين الرسمي د لبلاد هو لإسلام. لإقتصاد ديال قطر تيدور على لپطرول و لݣاز اللي فيها، و تاتعتابر دولة تاتأتر ف لمنطقة د الشرق لأوسط، خصوصا بلقنوات ديال لجزيرة اللي تابعة ليها. قطر هي أول دولة عربية و إسلامية نظمات كاس لعالم ديال لكورة، و كان داكشي ف عام 2022.
عيون لكلام
