صلوڤينيا (بالصلوڤينية: Slovenija)، رسميا لجمهورية د صلوڤينيا هي بلاد جات ف لوسط د أوروپا. تايحدّوها الطاليان و بحر البنادقة من لغرب، لوطريش من الشمال، هنݣاريا من الشرق، و كرواتيا من لجنوب. لأغلبية ديال لأراضي ديالها جبال، تابعين للسلسلة ديال لألپ.[1]
صلوڤينيا جات ف لحدود د لبلايص اللي حكموها الصلاڤيين و اللاتينيين و لجرمانيين. دازو عليها ف التاريخ ديالها بزاف د لبلدان بحال لإمبراطورية الرومانية و لبيزانطيين و لجمهورية د ڤونيز و لإمبراطورية لفرانساوية و لإمبراطورية النمساوية لهنݣارية. ف 1918 دخلات لبلاد مع يوݣوسلاڤيا، و خرجات منها ف 1991 (كانت أول دولة خرجات منها).
تيسكنو ف صلوڤينيا شويا كتر من 2 مليون د الناس، و لعاصمة ديالها هي ليوبليانا. اللغة الرسمية ديال لبلاد هي الصلوڤينية، و لفلوس اللي كاتخدّم هي لأورو. صلوڤينيا داخلة مع بزاف د لمنضمات دولية بحال لأمم لمتحدة، الناطو (من 2004)، لإتحاد لأوروپي (من 2004) و لمنضمة د التعاون والتطور لإقتصادي (من 2010).
عيون لكلام
