لجمهورية د إسطونيا (بلإسطونية: Eesti Vabariik) هي واحد لبلاد جات فلمنطقة د لبلطيق فالشمال الشرقي د أوروپا. تيحدًها من الشمال لخليج د فينلاندا، من لغرب لبحر د لبلطيق، من لجنوب لاتڤيا، ومن الشرق روسيا.
بزاف ديال الدول حتلو لبلاصة اللي فيها إسطونيا دابا، منهم ألمانيا، الدانمارك، السويد، پولونيا و لإمبراطورية د روسيا. مورا حرب مع روسيا، ستاقلات إسطونيا ف 1920، ولكن أيدخلها ليتيحاد السوڤياتي فيه ف 1940، و ماغادي تولي مستاقلة عاود تال 1991, من بعد ماتدرات الثورة د لغنا. من ديك الساعة وإسطونيا جمهورية ديموقراطية برلمانية.
تيسكنو ف إسطونيا تقريبا 1.3 مليون د الناس ولعاصمة ديالها هي طالين. اللغة الرسمية د لبلاد هي لإسطونية، و لفلوس اللي تاتخدم هي لأورو.[1] تاتعتابر إسطونيا من بين الدول اللي عندها مؤشر د التنمية طالع بزاف, و قتصاد تيكبر بالزربة، وهو اللي خلاها تدخل للمنظمة د التعاون لإقتصادي و التنمية. إسطونيا داخلة لبزاف د لمنظمات عالمية بحال لأمم لمتحدة و ليتيحاد لأوروپي و حلف الشمال لأطلسي.
ف 2005، كانت إسطونيا أول بلاد فلعالم اللي نظمات نتخابات ف أنترنت، و ف 2014 كانت أول بلاد اللي بدات تاتعطي لإقامة لإلكطرونية.
عيون لكلام
