أوروݣواي، رسميا لجمهورية الشرقية د لأوروݣواي (بالصبليونية: República Oriental del Uruguay) هي بلاد جات ف لجنوب الشرقي د أمريكا لجنوبية. تاتحدّها من لغرب لارجونتين، من الشمال و الشرق لبريزيل، و من لجنوب لمحيط لأطلسي. تيسكنو ف أوروݣواي تقريبا 3.5 مليون د الناس، كتر من النص ديالهم (1.8 مليون) ساكنين ف لعاصمة مونطيڤيديو و النواحي ديالها. من جيهة لمساحة، أوروݣواي هي تاني أصغر بلاد ف أمريكا لجنوبية، من مورا سورينام.
لقبايل اللوالا اللي سكنو لبلاصة اللي فيها أوروݣواي سميتهم "شاروا"، وسكنو تمّا 4000 عام. ف 1680 دخلو لبرتغاليين للمنطقة، و دارو فيها مستعمرة ديالهم. ما بين 1811 و 1828، كانت حرب ما بين صبانيا و لبرتغال و لارجونتين و لبريزيل، خرجات من النتائج ديالها التأسيس ديال لجمهورية د لأوروݣواي ف 1828.
اللغة الرسمية د لأوروݣواي هي الصبليونية، و لفلوس اللي كاتخدّم فيها هي لپيزو ديال أوروݣواي. لبلاد معروفة ب لحرية اللي فيها، بحال دابا يمكن تزرع وتبيع فيها لمخدر د لماريخوانا من 2013.[1] لأوروݣواي عضو مؤسس د لأمم لمتحدة، لمنضمة د لبلدان لميريكيانية، ميركوسور، و لحركة د عدم لإنحياز.
عيون لكلام
