Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A Vuelta a Aragón ye una cursa ciclista por etapas organizata historicament por o Club Ciclista Iberia y en l'actualidat por a Federación Aragonesa de Ciclismo y disputada en a Aragón. En as suyas distintas edicions han participau bels d'os millors ciclistas d'o pilotón internacional.
En 2006, debito a la manca de meyos y de patrocinadors se suspendió a edición d'ixe anyo. En 2007, o refirme inicial d'a Deputación Cheneral d'Aragón feba pensar que se daría a salida d'a cursa; manimenos, a la fin no saldía, perdendo d'ista traza toz os privilechios que teneba por parti d'a UCI y encluso a calendata reservata ta a suya organización.
Mientres os zaguers anyos s'heban visto recorritos a-saber-lo intresants. Dende l'anyo 1998 o Gubierno d'Aragón participaba como patrocinador y desichiba un recorrito una mica mas turistico ta que podese estar un autentico escaparat d'o país. Fruito d'este patrocinio estió que, a tamas de mantener bellas plegatas y puertos miticos, se descubrioron atras zonas (especialment o Mayestrato) y se consiguió levar a Vuelta a practicament toz os rincons d'Aragón.
En l'anyo 2018 torna a celebrar-se a preba con tres etapas entre os días 11 y 13 de mayo y un presupuesto de 400.000 euros,[1] fendo parte d'o Circuito Europeo de Ciclismo en a categoría 2.1.[2]
Bi ha maillots especials ta a clasificación cheneral, a regularidat, a montanya, os sprints especials, o millor choven (menors de 24 anyos) y o millor ciclista aragonés.
.svg){kind=small}
