Truita ye una denominación popular ta bellas especies de peixes d'a familia Salmonidae.
As truitas viven en auguas claras y corrients, sobretot en America d'o Norte, Europa, norte d'Asia y os ríos de l'Atlas en Marruecos. Tamién s'introducioron en Australia y Nueva Zelanda en o sieglo XIX. Dependiendo d'a especie, a vida util puede variar de 7 anyos a cuantos decenios. Una truita de 80 cm puede superar os 5 kg. Beluns eixemplars que viven en lacos superan o metro de longaria y os 15 kg.
Lo nombre se fa servir comunament pa as especies en tres d'os siet cheneros d'a subfamilia: Salmo, que incluye a las especies atlanticas; Oncorhynchus, que incluye especies d'o Pacifico; y Salvelinus, que incluye a los peixes clamaus char u charr. Salmo trutta ye a especie oriunda d'Aragón como minimo dende a zaguera glaciación, habitando en os capiters d'os ríos de montanya.
As truitas son una important fuent d'alimento pa los sers humans y la vida silvestre,[1] incluyius los onsos pardos, las aus de presa como las aligas y atros animals.
Referencias
