Thunder Over the Plains (títol orichinal en anglés, en aragonés Truenos sobre las planas, enguerada en Aragón con o títol en castellano de La última patrulla, en aragonés A zaguer patrulla) ye una cinta de cine estausunidense de cine de western de l'anyo 1953 dirichida por Andre DeToth seguntes un guión orichinal de Russell S. Hughes, con una banda sonora orichinal de David Buttolph, una dirección de fotografía de Bert Glennon, una producción cinematografica de David Weisbart ta la productora cinematografica Warner Bros., y con un elenco d'actors formau ta los suyos papels principals por Randolph Scott, Lex Barker, Phyllis Kirk, Charles McGraw, Henry Hull, Elisha Cook, Jr., Hugh Sanders, Lane Chandler, James Brown y Fess Parker.
A cinta s'ambienta en Texas en l'anyo 1869 en rematar a Guerra Civil d'os Estaus Unius y en a clamada era d'a reconstrucción estausunidense, cuan Texas encara no heba estau readmitida en a Unión dimpués d'a redota d'os Estaus Confederaus d'America, y conta la hostoria de David Porter, un capitán de l'exercito estausunidense d'orichen texano que ha de fer cumplir as leis federals contra la voluntat d'o suyo pueblo y lo fa con plena honradez, mesmo en contra d'os deseyos de venganza de bels d'os suyos companyers d'armas federals. Thunder Over the Plains se rodó en os estudios d'a companyía productora y las suyas escenas exteriors en un rancho d'a mesma productora.
Se veiga tamién
Referencias
Vinclos externos
