The Proud Rebel (títol orichinal en anglés, en aragonés O rebel argüelloso, enguerada en Aragón con o títol traduciu enta lo castellano como El rebelde orgulloso) ye una cinta de cine estausunidense de cine de western de l'anyo 1958 dirichida por Michael Curtiz seguntes un guión adaptau por Joseph Petracca y Lillie Hayward basau en Journal of Linnett Moore, una historia de 1947 incluyida en The Country Gentleman, de James Edward Grant. La suya banda sonora orichinal ye de Jerome Moross, la suya dirección de fotografía de Ted D. McCord y la producción cinematografica ye al cudiau d'o productor cinematografico Samuel Goldwyn Jr. ta la productora cinematografica Formosa Productions. L'elenco d'a cinta ye formau en os suyos papels principals por os actors Alan Ladd, Olivia de Havilland, Dean Jagger, David Ladd, Cecil Kellaway, James Westerfield, Dean Stanton, Thomas Pittman, Henry Hull, Eli Mintz y John Carradine.
Ye una cinta ambientada en os anyos posteriors a rematar a Guerra Civil d'os Estaus Unius a finals d'os anyos 1860 en bel lugarón d'Illinois y se rodó en Cedar City, en Utah. Conta la historia d'un veterano de l'exercito confederau mientres a guerra que en tornar en casa descubre que su muller ha falleixiu en l'incendio d'a suya casa y que su fillo ye dende alavez incapable de pronunciar ni una palabra y cuan li dicen que en o norte i vive un medico que lo puet curar marcha en a suya busca. En plegar en Illinois se troba en problemas y se veye obligau a estar-se-ie.
Se veiga tamién
Referencias
Vinclos externos
