The Gun That Won the West (títol orichinal en anglés, en aragonés L'arma que ganó l'ueste, enguerada en Aragón con o títol en castellano de El rifle que conquistó el Oeste, en aragonés O rifle que conquerió l'Ueste) ye una cinta de cine de western de cine estausunidense de l'anyo 1955 dirichida por William Castle seguntes un guión adaptau por Robert E. Kent basando-se en una historia d'él mesmo, con una dirección de fotografía de Henry Freulich, una producción cinematografica de Sam Katzman ta la suya productora cinematografica, Sam Katzman Productions, y con un elenco composau, en os suyos papels principals, por os actors Dennis Morgan, Paula Raymond, Richard Denning, Chris O'Brien, Robert Bice, Michael Morgan, Roy Gordon, Howard Wright, Richard Travis, Richard H. Cutting y Don C. Harvey.
A trama d'a cinta conta que lo coronel Carrington li encargan de devantar una serie de fuertes mientres os anyos 1880 en l'actual estau de Wyoming, a on alavez vivivan os indios sioux, y ta ixa labor recibe l'aduya d'una parella d'antigos soldaus convertius en exploradors que son amigos d'o chefe d'os sioux, Red Cloud, y creyen que pueden alcordar un tractau con él, encara que se troban con a oposición de bels atros chefes; en caso d'esclatar una guerra, penden de que lis plegue una nueva arma, un rifle moderno, lo Springfield Modelo 1865, que se carga no por o canyón de l'arma so que por meyo d'un cargador, augmentando asinas a suya capacidat de disparo. A cinta s'ambienta asinas en Wyoming en os anyos 1880.
Se veiga tamién
Referencias
Vinclos externos
