- Iste articlo ye sobre una cinta de comedia dramatica estausunidense de 2006; ta atros usos, se veiga The Devil Wears Prada.
The Devil Wears Prada (títol orichinal en anglés, en aragonés O diaple viste de Prada, enguerada en Aragón con o suyo títol traduciu enta lo castellano de El diablo viste de Prada) ye una cinta de cine estausunidense de l'anyo 2006 de comedia dramatica dirichida por David Frankel seguntes un guión adaptau por Aline Brosh McKenna basau en The Devil Wears Prada, una novela de Lauren Weisberger de l'anyo 2003. A Banda Sonora Orichinal d'a cinta ye un treballo de Theodore Shapiro, estando la dirección de fotografía de Florian Ballhaus, con una producción cinematografica de Wendy Finerman ta las productoras Fox 2000 Pictures, Wendy Finerman Productions y Dune Entertainment. En l'elenco d'actors d'a cinta destacan en os suyos papels principals Meryl Streep, Anne Hathaway, Emily Blunt, Stanley Tucci, Simon Baker, Adrian Grenier u Tracie Thoms.
A cinta s'ambienta mientres os anyos 2000 en as ciudaz de Nueva York (Estaus Unius) y París (Francia), y se rodó en ixas mesmas dos ciudaz. Dimpués d'o suyo enguero las criticas estioron favorables, encara que con moderación; tanimientres, bien luego The Devil Wears Prada se convertió en un important exito de publico y de recaudo. En a 79ena edición d'os Premios Oscar recibió dos nominacions (Millor Actriz y Millor Disenyo de Vestuario); en a 60ena edición d'os Premios BAFTA cinco nominacions; y en a 64ena edición d'os Premios Globnos d'Oro recibió dos nominacions amás d'o Premio Globo d'Oro a la Millor Actriz de Musical u Comedia para Meryl Streep.
Se veiga tamién
Referencias
Vinclos externos
