The Crimson Pirate (títol orichinal en anglés, en aragonés O pirata carmesín, enguerada en Aragón con o títol en castellano de El temible burlón, en aragonés O temible morriflas) ye una cinta anglo-estausunidense de cine d'aventuras de capa y espada de piratas de l'anyo 1952 dirichida por Robert Siodmak seguntes un guión orichinal de Roland Kibbee y Waldo Salt, con una banda sonora orichinal de William Alwyn, una dirección de fotografía d'Otto Heller y una producción cinematografica de Norman Deming, Harold Hecht y Burt Lancaster ta la productora cinematografica Norma Productions. En l'elenco d'a cinta trobamos en os papels principals a actors como Burt Lancaster, Nick Cravat, Eva Bartok, Leslie Bradley, James Hayter, Torin Thatcher, Frederick Leister, Margot Grahame, Noel Purcell u Christopher Lee.
A cinta se rodó en a isla d'Ischia y en a badía de Nápols (en l'actual ciudat metropolitana de Nápols, en Italia) y en os Estudios Teddington en Teddington (Middlesex, en o Reino Uniu, hue en o Gran Londres); y s'ambienta en dos islas ficticias ubicadas en a mar Caribe mientres o sieglo XVIII. Conta las aventuras d'un pirata, o capitán Vallo, qui captura un barco con un cargamento d'armas ta vender-las a un rebel a l'Imperio espanyol a qui claman El Libre, pero accepta diners d'os espanyols ta preparar una trampa contra El Libre y fer-lo presonero.
Se veiga tamién
Referencias
Vinclos externos
