- Iste articlo ye sobre una cinta de western de cine estausunidense de 1961, ta la novela en que se basa la cinta, se veiga The Comancheros (novela)```.
The Comancheros (títol orichinal en anglés, en aragonés Os comancheros, enguerada en Aragón con o suyo títol traduciu enta lo castellano de Los comancheros) ye una cinta de cine de western de cine estausunidense de l'anyo 1961 dirichida por Michael Curtiz seguntes un guión adaptau por James Edward Grant y Clair Huffaker (basau en The Comancheros, una novela publicada en 1952 por Paul I. Wellman), con una banda sonora orichinal d'Elmer Bernstein, una dirección de fotografía de William H. Clothier y una producción cinematografica de George Sherman ta las productoras 20th Century-Fox y Polyphony Digital. Entre d'atros actors, fan parte de l'elenco d'a cinta John Wayne, Stuart Whitman, Ina Balin, Nehemiah Persoff, Lee Marvin, Michael Ansara, Bruce Cabot, Joan O'Brien, Patrick Wayne, Richard Devon, Jack Elam, Henry Daniell, Edgar Buchanan, Guinn "Big Boy" Williams y Bob Steele.
En a cinta se conta cómo Paul Regret, un chugador profesional, mata en Nueva Orleans un duelo a un hombre que resulta perteneixer a una familia cabalera y li cal fuyir d'a ciudat en un barco por o río Misisipi, a on conoix a una misteriosa mesacha de qui s'enamora. Tanimientres, ye deteniu en o barco por o capitán Jake Cutter, d'os Texas Rangers, encara que consigue fuyir. Tiempo dimpués, coincide en una partida de poquer con o capitán, que ye d'inognito, pero no el descubre, encara que finalment lo tornan a detener y finalment li fan una propuesta: que acompanye a lo capitán a trobar a on s'amagan os periglosos "comancheros", blancos que aduyan a los indios atacando y espullando los ranchos de Texas. A cinta s'ambienta en l'anyo 1843 en Nueva Orleans y Texas y las suyas escenas se filmoron en cuantas localidaz en os estaus d'Arizona y Utah.[2]
Ye una cinta que ha recibiu bels premios y nominacions, encara que garra d'istos premios se troba entre los premios cinematograficos prencipals.
Se veiga tamién
Referencias
Vinclos externos
