Sant Chudas Tadeu u Yəhûdāh bar-Alpheus Cleoffas (Caná, Galilea, ? - Suanis, Persia, 62?) estió un d'os apóstols de Chesús de Nazaret
Yera fillo d'Alfeu (Cleoffas en griego) y de María (u Míriam), yera chirmán de Chusé y Chaime (Mc 15, 40) y primo chirmán de Chesús, ya que os pais d'os dos yeran chirmans.
Pedricó en as rechions de Galilea, Chudea, Asia la Chica, Echipto, Eufrates, Tigris, Libia, Samaria, Edesa y Babilonia.
Seguntes a Ilesia Catolica Romana, se'n fuo ta Mesopotamia con Sant Simón apóstol, a on que pedricoron bels anyos y dimpués, seguntes Abdías (sieglo IV), fuoron martiriciatos:
- Sant Simón fue sarrato por a metat u asasinato a golpes de martiello en a capeza.
- Sant Chudas Tadeu fue escapezato con una estral, con la que gosa representar-se.
Fuoron apedecatos en Babilonia dica que, en o sieglo VII, cuan os musulmans dentroron en a ciudat, un grupo de cristiants tresladoron as restas mortals ta Roma.
Dimpués d'un sieglo, o Papa Lión III donó as reliquias a Carlos Magno (800), qui las levo ta la basilica de Sant Saturnín de Tolosa (Francia), a on que son veneratas actualment.
A suya fiesta ye o 28 d'octubre.
