Río Indo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Indo
सिन्धु - دریائے سندھ - 森格藏布
L'Indo dende a carretera d'o Karakoram
Administración
Estaus	China India Pakistán
Cheografía
Longaria	2.900 - 3.180 km
Altaria d'o naixedero	5.500 m
Naixedero	Tibet
Desembocadura	Mar Arabica
Hidrolochía
Superficie d'a cuenca	1.081.700 km²
Cabal meyano	6.700 m³/s
Mapa
[editar datos en Wikidata]

O río Indo (en sindhi सिन्‍धु नदी, Sindh Nadi, conoixito como सिन्धु Sindhu en sanscrito) ye o prencipal río de Pakistán. Antis d'a división d'o subcontinent indio en os modernos estaus d'a India y Pakistan en 1947, l'Indo yera o segundo río en importancia en a rechión, dimpués d'o Ganches, tanto en termins culturals como comercials; amás, o nombre d'a India deriba d'iste río. En a suya val i apareixioron bellas d'as civilizacions urbanas mas antigas d'o planeta.

Naixe en o Tibet, a una altaria de bels 5.500 metros sobre o livel d'a mar, y contina o suyo curso a traviés d'as vals prencipals d'a cordelera d'o Himalaya en dirección nord-ueste, ta dimpués trescruzar o Caixmir y chirar bruscament enta o sud travesando tot Pakistán. Dimpués de pasar por a ciudat de Hyderabad, desemboca en un delta a o sud-este de Karachi, a que estió primera capital de Pakistán.

A suya largaria total ye d'entre 2.900 y 3.180 kilometros. O cabal meyano ye de 6.700 m³/s y l'aria total ocupata por a suya cuenca ye d'1.081.700 km². En a suya desembocadura en a mar d'Omán, l'Indo forma un amplo y fértil delta, con una superficie de 7.770 km² que s'estendilla a traviés de 200 km de costa.

O delta de l'Indo ye considerato una d'as rechions ecolochicas mas importants d'a planeta. En iste río se troba una especie unica de delfín, o delfín de l'Indo (Platanista minor minor), muit pareixito a la especie de delfín que habita en o Ganches (Platanista gangetica) que ye tamién ciego. Seguntes un censo elaborato en 2001, bi heba un total de 1.100 eixemplars vivos d'iste animal.

O nombre Indo deriva d'o nombre sanscrito d'o río, que yera y en ye Sindhu. En antigo persa en yera Hendu, en hebreu Hoddu. Os griegos convirtioron Hendu en Indu, pero en bellas narracions (como o Periplus Maris Erythraei) apareixe l'antigo nombre "Sindus".

• Se veigan as imáchens de Commons sobre l'Indo.
• Información d'o rio Indo en a pachina web d'a WWF.