Ruesta ye un antigo municipio aragonés, que hue ye un lugar d'o municipio d'Urriés, en a comarca de Cinco Villas, partiu chudicial d'Exeya d'os Caballers y provincia de Zaragoza. Actualment, ye despoblato.
Cheografía
O lugar ye a o canto d'o río Regal, afluent d'o río Aragón, y de l'entibo de Yesa, en a versant norte d'a sierra d'a Sarda.
Historia
En o suyo antigo termin bi yera o monesterio de Sant Chuan de Maltrai, establito en o sieglo X.[1]
O lugar ye trescruzato por o Camín de Sant Chaime aragonés.
En os anyos 1960 s'expropioron as tierras de cautivo y o propio lugar de Ruesta ta construir-ie l'entibo de Yesa. Beluns d'os suyos vecins marchoron ta os nuevos nuclios de repoblación en as zonas de regano d'a Canal d'as Bardenas, como Bardena, Santa Anastasia, Pinsoro u d'atros puestos; atros vecins marchoron ta atros lugars. Parte d'o suyo antigo termin pasó a mans de Sigüés, en a Chacetania, anque o lugar de Ruesta quedó en Urriés.
Modernament, a Confederación Hidrografica de l'Ebro cedió o lugar a o sindicato anarquista Confederación General del Trabajo (CGT), ta a suya reconstrucción.
Molimentos
Vinclos externos
Referencias
.svg){kind=small}
