A rechión de Trebinje (en serbio Регија Требиње, en bosnio Regija Trebinje) ye una d'as siet rechions d'a Republica Serbia. A capital d'a rechión ye Trebinje.
Comprende parti de l'este d'Herzegovina y ye situada a o sud-este d'o país.
Representa una zona d'antigo poblamiento serbio en total continación territorial con Montenegro y Serbia. Un d'os primers estaus serbios yera precisament en esta zona, o principau u župa de Travunja, toponimo que retiene a capital d'esta rechión (Trebinje). Quedó baixo poder serbio dende o encomienzo d'a Guerra de Bosnia, encara que bi habió intervencions d'as fuerzas regulars y irregulars croatas por estar una zona dende a on que os serbios atacaban as suyas posicions de Ragusa y d'Herzegovina central. Por a Paz de Dayton de 1995 os territorios d'Herzegovina oriental de mayoría serbia y baixo o suyo control quedoron en a Republica Serbia, de fuera d'unas aldeyas serbias d'una francha de territorio chunto a la muga con o sud-este de Croacia, que se cedioron por motivos estratechicos a la Federacija.
Lista de municipios
- Berkovići.
- Bileća.
- Gacko.
- Istočni Mostar (conoixiu mientres a Guerra de Bosnia y dica l'anyo 2004 como Srpski Mostar, "Mostar Serbio").
- Ljubinje.
- Nevesinje.
- Trebinje.
Se veiga tamién
