Rechions Autonomas de Portugal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Rechión Autonoma d'as Azores.
Rechión Autonoma de Madeira.

Una Rechión Autonoma (en portugués Região Autónoma) ye una parti d'o territorio portugués que, por as suyas caracteristicas especificas, fue dotata d'un estatuto politico-administrativo y de organos de gubierno propios. Son organos d'o gubierno propio de cada rechión l'asamblea lechislativa y o gubierno rechional. L'asamblea lechislativa ye esleyida por sufrachio universal dreito y secreto, por o metodo d'a representación proporcional, con o numero de mandatos de cada cargo determinato por a lei d'Hondt.

As Rechions Autonomas portuguesas son constituitas por os archipelagos d'as Azores y de Madeira, que chuntas representan o 3,6% d'a superficie d'o territorio portugués, ye decir 3.134 km² d'os 92.145 km² de tot o estato, y un 4,6% d'a población portuguesa, lo que ye 492.773 d'os 10.637.713 habitants que forman Portugal en o suyo conchunto.

Administración

A soberania d'a Republica ye representata en as Rechions Autonomas por un Representant d'a Republica, que lo nombra dreitament por o President d'a Republica. Iste cargo fue creyato en a seisena revisión d'a Constitución d'a Republica, que extinguió o cargo de ministro d'a Republica, substituyindo-lo por ista nueva fegura.

O president d'o gubierno rechional ye nombrato por o Representant d'a Republica, d'alcuerdo a os resultatos electorals ta l'Asamblea Lechislativa. O cargo de President de Gubierno Rechional de Madeira ye actualment en mans d'o social democrata Alberto João Jardim, mientres que en as Azores ye president o socialista Carlos César.

As Rechions Autonomas portuguesas

Se veiga tamién

Strategi Solo vs Squad di Free Fire: Cara Menang Mudah!