Present d'indicativo en aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tiempos verbals en aragonés

Modo indicativo

Present Pasau perfecto simple Pasau perfecto perifrastico Pasau imperfecto Pasau perfecto composau Pasau anterior Pasau plusquamperfecto Futuro Futuro perfecto Condicional Condicional perfecto

Modo subchuntivo

Present Pasau imperfecto Pasau perfecto Pasau plusquamperfecto

Modo imperativo

Impresonals

Infinitivo simple Infinitivo composau Participio Cherundio

O present d'indicativo en aragonés indica accions presents. Tamién se fa servir en as oracions condicionals.

Formas regulars en as diferents conchugacions

Persona	1ª Conchugación	2ª Conchugación	3ª Conchugación
1ª Sing.	Aduyo	Debo	Parto
2ª Sing.	Aduyas	Debes	Partes
3ª Sing.	Aduya	Debe	Parte
1ª Plur.	Aduyamos	Debemos	Partimos
2ª Plur.	Aduyaz	Debetc	Partiz
3ª Plur.	Aduyan	Deben	Parten

Emplego en as oracions condicionals

O present se fa servir en dos tipos d'oracions condicionals:

• Situación siempre verdadera.
• Situación real u posible.

Situación siempre verdadera

A sobén presentan o mesmo verbo en as dos proposicions.

• Si te toca fa contauto (aragonés d'a valle de Tella).^[1]
• Si se me rompe la cuerda m'esclafo (aragonés d'a valle de Tella).^[1]
• Fas el ridiculo se no charras (belsetán).^[2]
• Si no regamos por demás hemos sembrau (aragonés d'a valle de Tella).^[1]
• Cuan ixe lo diz, ye que será verdat (cheso).^[3]
• Si en marzo no marcisquea / en abril y mayo queda (dito popular en aragonés de Viello Sobrarbe).^[4]

Si se quiere fer una petición, sucherencia u ofrimiento se puet fer servir un verbo en imperativo u en present de subchuntivo con función negativa:

• Si mai vas a'ls Banys, no dixes de vere la cascada de la Conca Moral (benasqués).^[5]

Este tipo d'oracions condicionals con imperativo u subchuntivo con función imperativa se troban a sobén en ditos populars.

• Si canta a mocholeta en enero / prepara o lenyero (aragonés de Viello Sobrarbe).^[4]
• Si te muerde a salamanquesa cohe a hada y fe-te a fuesa (aragonés de Viello Sobrarbe).^[4]

Situación real u posible

A sobén presentan una proposición en present y l'atra en futuro.

• Barranquet, si te tornes chiquet te darem un centimet (benasqués)^[6]
• Os forasters poco s'esmaxinarán, si no se troban bien (ansotano).^[7]
• Como veigan lo fumo vendrán t'aquí (aragonés d'a valle de Tella).^[1]
• A poco que nos esmaxinemos, saldremos t'adebán (ansotano).^[7]
• Si viens, tamé verás los adelantos de Graus,(baixo-ribagorzano).^[8]

Tamién bi n'ha que fan servir o present de subchuntivo en una proposición y o present d'indicativo en l'atra.

• Como no caiga un nevazo no saco as vacas.(ansotano).^[9]

Referencias

1. (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010, pp 184-185
2. *(es) Lozano, Ch., Saludas, Á.L.: (2005). Aspectos morfosintácticos del belsetán. Zaragoza: Gara d'Edizions - IFC, pp 150-151
3. (es) Francho Nagore: Gramática de la Lengua Aragonesa. Zaragoza. Mira Editores. 1989.
4. (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999), pp 138-139, p 340, p 342
5. (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). p 201, pp 290-291, p 298.
6. (es) SAROÏHANDY, Jean-Joseph, Misión lingüística en el Alto Aragón (compilación de materials ineditos dende 1906); Xordica Editorial. Zaragoza, 2005. p 157 ISBN 84-96457-06-0
7. (es) María Pilar Benítez: L'Ansotano. Estudio del habla del Valle de Ansó. Gobierno de Aragón, 2001. p 207
8. (es) Vicente de Vera, Eduardo: Textos en grausino (1904-1985). Zaragoza, Deputación Cheneral d'Aragón (col. «O pan de casa nuestra», 3), 1986. p 53, p 80.
9. (es) Barcos, Miguel Ánchel: El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. p 148 ISBN 978-84-8094-058-0

Se veiga tamién

• Present d'indicativo.

O present d'indicativo en aragonés y atras luengas romances
present d'indicativo en galaicoportugués | present d'indicativo en astur-leyonés | present d'indicativo en castellano | present d'indicativo en aragonés | present d'indicativo en catalán | present d'indicativo en occitán | present d'indicativo en francés | present d'indicativo en italiano | present d'indicativo en rumano

• Datos: Q20617221