- Iste articlo ye sobre una cinta estausunidense de 1967; ta atros usos, se veiga Point Blank.
Point Blank (títol orichinal en anglés, en aragonés Punto blanco u Cremarropa, enguerada en Aragón con o títol en castellano de A quemarropa, en aragonés A cremarropa) ye una cinta de cine estausunidense de l'anyo 1967 de cine policiaco de cine de gángsters dirichida por John Boorman seguntes un guión adaptau por Alexander Jacobs, David Newhouse y Rafe Newhouse basau en a novela The Hunter, publicada por Richard Stark en 1962, con una banda sonora orichinal de Johnny Mandel, una dirección de fotografía de Philip H. Lathrop y una producción cinematografica de Judd Bernard y Robert Chartoff ta Judd Bernard-Irwin Winkler Production. L'elenco d'actors d'a cinta se composa de Lee Marvin, Angie Dickinson, Keenan Wynn, Carroll O'Connor, Lloyd Bochner, Michael Strong, John Vernon, Sharon Acker, James Sikking y Sandra Warner, en os suyos papels principals.
A cinta se centra en o personache de Walker, qui colabora en un robo con un companyero, pero iste li dispara, dixando-lo por muerto, y se queda con os diners d'o robo y, amás, con a muller de Walker, qui bien luego de recuperar-se busca la suya venganza. S'ambienta en San Francisco (California) en epoca actual d'a cinta (1967) y se rodó en la debandita ciudat y en Santa Monica, Culver City, Los Angeles, West Hollywood y atras localidaz de California. En l'anyo 2016 a Biblioteca d'o Congreso d'os Estaus Unius seleccionó Point Blank ta la suya inclusión en o National Film Registry en considerar-la "cultural, historica u esteticament significativa" ta la suya preservación.
Se veiga tamién
Referencias
Vinclos externos
