- Iate articlo ye sobre una cinta estausunidende de cine de comedia romantica enguerada en 1931; ta atros usos, se veiga Platinum Blonde.
Platinum Blonde (títol orichinal en anglés, en aragonés Rubia platín, enguerada en Aragón con o títol en castellano de La jaula de oro, en aragonés A gaviola d'oro) ye una cinta de cine estausunidense de cine de comedia rmantica enguerada l'anyo 1931, dirichida por Frank Capra seguntes un guión adaptau por Robert Riskin, Jo Swerling y Dorothy Howel (basau en una historia de Harry Chandlee y Douglas W. Churchill), con una banda sonora orichinal d'Irving Bibo, David Broekman y Bernhard Kaun, una dirección de fotografía de Joseph Walker, una producción cinematografica de Harry Cohn y Frank Capra ta la productora cinematografica Columbia Pictures y que conta con un elenco formau por Loretta Young, Robert Williams, Jean Harlow, Halliwell Hobbes, Reginald Owen, Edmund Breese, Don Dillaway, Walter Catlett, Claud Allister, Louise Closser Hale y Rychard Cramer, entre d'atros actors.
Michael Schuyler ye un acreditau "playboy" a qui ha denunciau Gloria Golden, una corista que diz que li heba feito promesa de matrimonio. Ta retirar a denuncia, la familia paga a la corista, y lo periodista Stewart "Stew" Smith ye ninviau por o suyo diario a investigar, y dimpués de bellas circumstancias, Anne, la chirmana de Michael, siente intrés por o periodista y poquet a poquet s'enamoran y rematan casando-se, ta desesperación d'a matriarca familiar. Tanimientres, as diferencias d'estilos de vida son bien diferents en ixe matrimonio.
A cinta s'ambienta en a suya epoca actual (1930) en Washington, DC, y las suyas escenas se filmoron en os Columbia/Sunset Gower Studios en Los Angeles.[2]
Se veiga tamién
Referencias
Vinclos externos
