O Parque Nacional d'os Pireneus (en francés Parc national des Pyrénées) ye un espacio protechito de 45.707 ha de superficie situato en a zona central d'os Pireneus franceses, en o departamento d'os Altos Pireneus. Proteche as tucas, circos glaciars y vals de mayor intrés medioambiental d'a versant norte d'a cordelera y muga con Aragón.
Fue creyato en l'anyo 1967 y ye chestionato por l'achencia publica francesa Parcs nationaux de France. O territorio protechito, que s'estendilla d'ueste ta este lonchitudinalment, proteche paraches como o pico Midi d'Osal, a Comachibosa, o laco de Gauba, o macizo de Néouvielle y os circos glaciars de Gavarnía, Estaubé u Tormoseta.
Entre as especies animals protechitas, destacan l'alica reyal, o vueitre, a marmota y l'onso pardo.
Cheografía
Cubre a muga entre Aragón y Francia entre o collau d'Arralla (Chacetania) y o puerto Viello de Bielsa (Sobrarbe).
